ПАДЗЕІ ДНЯ
А 12-й гадзіне паводле менскага часу Нарвэскі Нобэлеўскі камітэт абвесьціць імя ляўрэата сёлетняй Нобэлеўскай прэміі міру.
У Сусьветны дзень супраць сьмяротнага пакараньня ў офісе праваабарончага цэнтру «Вясна» адбудзецца выніковая прэсавая канфэрэнцыя праваабаронцаў. Пачатак – аб 11-й гадзіне. Тэма прэсавай канфэрэнцыі «Беларусь у кантэксьце сусьветнага абаліцыянізму» – падкрэсьлівае, што Рэспубліка Беларусь, працягваючы выносіць і выконваць сьмяротныя прысуды насуперак сваім міжнародным абавязаньням, застаецца пад пільнай крытыкай міжнароднай грамадзкасьці. На сёньня Беларусь – адзіная краіна ў Эўропе і на постсавецкай прасторы, дзе выносяцца і прыводзяцца ў выкананьне сьмяротныя прысуды.
У Нацыянальным акадэмічным драматычным тэатры імя Максіма Горкага адбудзецца прэм'ера спэктаклю «Пясьняр» паводле п'есы Васіля Дранько-Майсюка. Спэктакль прысьвечаны знакамітаму музыку Ўладзімеру Мулявіну. Пачатак а 19-й гадзіне.
У Цэнтры сучасных мастацтваў (Менск, вул. Някрасава, 3) адбудзецца лекцыя брытанскай мастацтвазнаўцы Крысьціны Лодэр «Казімір Малевіч і архітэктура Супрэматызму». Крысьціна Лодэр – віцэ-прэзідэнт Таварыства Малевіча і ганаровы прафэсар Эдынбурскага ўнівэрсытэту. Пачатак лекцыі а 19-й гадзіне.
ТАКСАМА Ў ГЭТЫ ДЗЕНЬ:
Сусьветны дзень псыхічнага здароўя.
1577 — Магілёў і Мазыр атрымалі Магдэбурскае права.
1939 — падпісаная дамова паміж СССР і Літвой, паводле якой Літве адышлі Вільня і Віленская вобласьць.
У гэты дзень нарадзіліся:
1796 — Міхал Без-Карніловіч, беларускі гісторык, этнограф, вайсковы тапограф, генэрал-маёр.
1813 — Джузэпэ Вэрдзі, італьянскі кампазытар.
1930 — Гаральд Пінтэр, брытанскі драматург, ляўрэат Нобэлеўскай прэміі ў галіне літаратуры 2005 году.
1940 — Кастусь Тарасаў, беларускі пісьменьнік, гісторык, дзяяч нацыянальна-дэмакратычнага руху Беларусі.
1943 — Валеры Галубовіч, беларускі гісторык.
1957 — Леанід Дранько-Майсюк, беларускі паэт.
З КАЛЕНДАРА БАХАРЭВІЧА
Тайна двух акіянаў. 10 кастрычніка 1913 Панамскі канал злучае два акіяны
