Лінкі ўнівэрсальнага доступу

Парашэнка прапануе зьмяніць межы Луганскага раёну


Прэзыдэнт Украіны Пётар Парашэнка прапануе народным дэпутатам разгледзець пастановы аб унясеньні зьменаў у межы раёнаў Луганскай вобласьці і павышэньні кіравальнасьці і навядзеньня парадку ў Луганскай вобласьці, паведаміла прэс-служба кіраўніка дзяржавы.

Як сказаў з гэтай нагоды пастаянны прадстаўнік прэзыдэнта ў Вярхоўнай Радзе Руслан Князевіч, неабходнасьць разгляду гэтага пытаньня ўзьнікла ў сувязі з тым, што пэўныя раёны Луганскай вобласьці не кантралююцца ўкраінскімі ўладамі. «Для належнага кіраваньня гэтымі тэрыторыямі і забесьпячэньня жыцьцядзейнасьці гэтых раёнаў Луганскай вобласьці трэба ўнесьці зьмены ў межы раёнаў Луганскай вобласьці і далучыць да тых раёнау, якія мы кантралюем», - прыводзіць прэс-служба словы Князевіча.

Паводле яго, на нарадзе з прэзыдэнтам усе прадстаўнікі парлямэнцкіх фракцый і груп падтрымалі гэтую прапанову.

«Гэта важнае рашэньне, якое дазволіць пасьля яго прыняцьця неадкладна адкрываць у гэтых раёнах тэрытарыяльныя аддзяленьні Дзяржаўнага казначэйства, выплачваць людзям пэнсіі і заробкі, прадстаўляць ўвесь пакет сацыяльных паслуг, абавязацельствы па якіх нясе дзяржава. Гэта самае важнае, чаго чакаюць жыхары Луганшчыны сёньня», - дадаў Князевіч.

Украіна гэтак жа не кантралюе і ў Данецкай вобласьці некаторыя тэрыторыі, што знаходзяцца пад уладай прарасейскіх сіл, але пра магчымую аналягічную ініцыятыву па зьменах раёнаў Данеччыны пакуль не паведамлялі.

Глядзець камэнтары (1)

Гэтая дыскусія закрытая.
XS
SM
MD
LG