Лінкі ўнівэрсальнага доступу

Лукашэнка звольніў Натальлю Пяткевіч

абноўлена

Натальля Пяткевіч
Натальля Пяткевіч

Кіраўнік дзяржавы Аляксандар Лукашэнка вызваліў Натальлю Пяткевіч ад пасады памочніка прэзыдэнта Рэспублікі Беларусь.

Звальненьне адбылося паводле згоды бакоў, паведамляе прэзыдэнцкая прэс-служба.

У верасьні 2011 году Аляксандар Лукашэнка прызначыў Натальлю Пяткевіч сваім памочнікам. Раней гэтую пасаду займаў Уладзімер Матвяйчук.

Тады яна вярнулася ў блізкае атачэньне Лукашэнкі пасьля 8 месяцаў няпэўнасьці. На пачатку 2011 году яе адхілілі ад пасады першай намесьніцы кіраўніка адміністрацыі прэзыдэнта, яна заставалася на грамадзкай працы — старшынёй Беларускай фэдэрацыі гарналыжнага спорту і сноўборду.

З 2009 году да сьнежня 2010-га Натальля Пяткевіч працавала першым намесьнікам кіраўніка адміністрацыі прэзыдэнта Рэспублікі Беларусь. У 2001-2004 гадах яна была прэс-сакратаром прэзыдэнта. У 2004-2009 гадах — намесьнікам кіраўніка адміністрацыі прэзыдэнта.

Пяткевіч уваходзіць у сьпіс асобаў, якім забаронены ўезд у Эўразьвяз.

Апошнія кадравыя перастаноўкі ў прэзыдэнцкім атачэньні:

15 верасьня Мікалай Дамашкевіч адпраўлены ў адстаўку з пасады памочніка прэзыдэнта — галоўнага інспэктара па Віцебскай вобласьці. На гэтую пасаду прызначаны Мікалай Шарсьцьнёў.

11 верасьня Лукашэнка вызваліў ад пасады начальніка Службы бясьпекі прэзыдэнта Рэспублікі Беларусь палкоўніка Андрэя Ўцюрына і прызначыў яго намесьнікам дзяржаўнага сакратара Савету бясьпекі.

4 верасьня Лукашэнка звольніў сваім указам Аляксандра Каляду з пасады дырэктара Дэпартамэнту па гуманітарнай дзейнасьці Кіраўніцтва спраў прэзыдэнта «за сыстэматычнае невыкананьне без паважных прычын абавязкаў, ускладзеных на яго працоўнай дамовай».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG