Грамадзкая ініцыятыва «Мова ці кава» правядзе кастынг для новых вядоўцаў курсаў. Сумоўе адбудзецца 1 кастрычніка а 19-й гадзіне ў галерэі TUT. BY.
«Ведаеш мову, любіш публіку, хочаш зрабіць унёсак у беларусізацыю — табе сюды», — запрашаюць арганізатары курсаў.
Удзельнікам прапануюць расказаць пра сябе, падзяліцца ідэямі для курсаў, пазнаёміцца з камандай і пачаставацца кавай.
На самапрэзэнтацыю адводзіцца 5 хвілін.
Альбо прапануецца напісаць пра сябе на адрас курсаў movacikava@gmail.com.