Толькі руіны засталіся на месцы міжнароднага аэрапорту «Луганск», зьнішчанага прарасейскімі баевікамі і расейскім войскам.
На пачатку верасьня ўкраінскія вайскоўцы пакінулі луганскі аэрапорт, які быў аточаны прарасейскімі баевікамі з пачатку лета.
2 верасьня губэрнатар Луганскай вобласьці Ірына Вярыгіна паведаміла, што баевікі цалкам разбурылі Луганскі аэрапорт. За дзень да гэтага ў РНБА Ўкраіны пацьвердзілі, што ў Луганску ўкраінскія вайскоўцы выйшлі з аэрапорту.
Цяпер зьнішчаны аэрапорт — пад кантролем баевікоў.
Украінскія вайскоўцы ўтрымліваюць данецкі аэрапорт, які надалей абстрэльваецца сэпаратыстамі, нягледзячы на абвешчанае замірэньне.
