На выбарчым участку ў цэнтры Масквы затрыманыя тры дзяўчыны, якія распрануліся і перашкаджалі галасаваць, паведаміў на прэс-канфэрэнцыі намесьнік старшыні Маскоўскай выбарчай камісіі Аляксей Шленаў.
«Тры дзяўчыны, у тым ліку грамадзянкі Ўкраіны, былі затрыманыя і дастаўлены ў АУС таганскага раёну», — сказаў Шленаў. Ён удакладніў, што гэта адбылося на выбарчым участку нумар 105, разьмешчаным на Кацельніцкай набярэжнай.
Femen пришли на избирательный участок в Москве, скандируя лозунги против войны РФ в Украине. Их арестовали и увезли. pic.twitter.com/Vm5Ki0SjTP
— Sobiratel.Net (@Sobiratel_net) September 14, 2014
Верагодна, дзяўчаты зьяўляюцца сябрамі арганізацыі FEMEN.
Як адзначае «Інтэрфакс», менавіта на Кацельніцкай набярэжнай знаходзіцца сталінскі гмах, на шпілі якога 20 жніўня невядомыя вывесілі ўкраінскі жоўта-сіні сьцяг і зафарбавалі сіняй фарбай верхавіну залацістай зоркі, якая вянчала шпіль будынка.
Пазьней адказнасьць за гэтую акцыю ўзяў на сябе ўкраінскі руфэр Грыгорый па мянушцы «Мустанг». Ён абвешчаны Расеяй у міжнародны вышук. У рамках расьсьледаваньня крымінальнай справы затрыманыя некалькі чалавек.