Ён адзначыў, што знакавая падзея для грамадзян абедзьвюх краін адбудзецца ў Міністэрстве замежных спраў Беларусі. Дакумэнт падпішуць міністар замежных спраў Беларусі Ўладзімер Макей і міністар абсорбцыі Ізраіля, сустаршыня ізраільска-беларускай камісіі па эканамічным і гандлёвым супрацоўніцтве Софа Ландвэр.
«Пагадненьне аб адмене візавага рэжыму зроблена па той жа схеме, па якой Ізраіль адмяніў візы з Расеяй і Ўкраінай. Грамадзяне нашых краін змогуць цягам 180 дзён, гэта значыць паўгода, знаходзіцца на тэрыторыі адпаведна Ізраіля або Беларусі без афармленьня візы», — цытуе БелТА Ёсіфа Шагала. Гэтая норма распаўсюджваецца на шараговых грамадзянаў і ня тычыцца ўладальнікаў дыпляматычных і службовых пашпартоў.
Паводле амбасадара Ізраіля, ад моманту падпісаньня дамовы да ўступленьня яе ў сілу неабходны некаторы час для праходжаньня тэхнічных працэдур. Пра дзень уступленьня дамовы ў сілу будзе паведамлена дадаткова.