84 эсэ былі напісаныя ім ў вёсцы Куплін Пружанскага раёну, дзе Севярынец адбываў пакараньне ў справе масавага пратэсту ў Менску 19 сьнежня 2010 году.
Як заявіў сам аўтар, жывучы ў заходняй Беларусі, ён знаходзіў у тамтэйшых жыхароў тыя рысы, якія характэрныя для Самога Творцы сусьвету. І калі беларусы шчыра верылі ў Бога, яны мелі наймагутнейшую дзяржаву – Вялікае Княства Літоўскае.
Павал адказаў на шэраг пытаньняў – пра ўзаемадачыненьні зь міліцыяй, пасяленцамі калёніі адкрытага тыпу, зь мясцовымі вернікамі і звычайнымі жыхарамі. За час знаходжаньня «на хіміі» Севярынец атрымаў больш за 2 тысячы лістоў, у якіх людзі выказвалі яму прызнаньне й падтрымку.