ПАДЗЕІ ДНЯ
Заслаўе – у памяшканьні музэйна-выставачнага комплексу «Заслаўе» (вул. Рынкавая, д. 4) адбудзецца адкрыцьцё выставы «Заходнебеларуская Атлянтыда. Гісторыя Заходняй Беларусі ў міжваенны час у дакумэнтах, фотаздымках і артэфактах» з прыватнай калекцыі Ігара Мельнікава. Пачатак а 17-ай.
Менск – «Re:Песняры»: жывая прэм’ера ў клюбе Re:Public (вул. Прытыцкага, 62). Пачатак а 18-й.
Горадня – творчая сустрэча з Тацянай Беланогай. Галерэя «Крыга» (вул. Савецкая 3-11). Пачатак а 18:30. Уваход вольны.
Брусэль – публікацыя новых санкцыяў супраць Расейскай Фэдэрацыі.
ГЭТЫ ДЗЕНЬ У ГІСТОРЫІ:
490 да н. э. — грэцкі воін Фідзіпід прабег ад горада Маратон да Атэнаў і прынёс вестку пра перамогу грэкаў над пэрсамі — «Радуйцеся! Мы перамаглі» — і памёр. Калі ў 1896 годзе ў Атэнах праходзілі першыя сучасныя Алімпійскія гульні, у яго гонар быў уладкаваны забег паміж Маратонам і Атэнамі. З тых часоў спаборніцтвы па маратонскім бегу сталі адным з самых папулярных відаў лёгкай атлетыкі.
1934 — Латвія, Літва і Эстонія ўтварылі палітычны саюз. Падпісаная ў Жэнэве дамова ўвайшла ў гісторыю пад імем Балтыйскай Антанты.
1990 — дамова аб аб’яднаньні Нямеччыны. Угоду падпісалі міністры замежных справаў СССР, ЗША, Вялікабрытаніі, Францыі і абедзьвюх Нямеччын.
У гэты дзень нарадзіліся:
1906 — Дзьмітры Шастаковіч, савецкі кампазытар, піяніст, пэдагог і грамадзкі дзяяч.
1921 — Станіслаў Лем, польскі пісьменьнік-фантаст.
1929 — Мікалай Матукоўскі, беларускі драматург.
1954 — Алесь Жлутка, беларускі мовазнаўца і гісторык.
1949 — Яўген Чыквін, польскі палітык, дзяяч беларускага і праваслаўнага руху ў Польшчы.
З КАЛЕНДАРА БАХАРЭВІЧА
Рэспубліка вар’ятаў. 12 верасьня 1919 Габрыэле д’Анунцыё на чале групы нацыяналістаў захоплівае Фіюмэ (Рыеку)