Лінкі ўнівэрсальнага доступу

Пуцін: канчатковыя дамоўленасьці па Ўкраіне могуць быць дасягнутыя ў Менску


Пятро Парашэнка і Ўладзімер Пуцін
Пятро Парашэнка і Ўладзімер Пуцін

Прэзыдэнт Расеі Ўладзімер Пуцін заявіў сёньня журналістам ва Ўлан-Батары, што канчатковыя дамоўленасьці наконт пляну ўрэгуляваньня на паўднёвым усходзе Ўкраіны могуць быць дасягнутыя 5 верасьня на сустрэчы Кантактнай групы па Ўкраіне.

«Канчатковыя дамоўленасьці, мяркую, паміж уладамі Кіева і паўднёвым усходам Украіны маглі б быць дасягнутыя падчас прызначанай сустрэчы кантактнай групы 5 верасьня гэтага году», — заявіў Пуцін.

Гэтая сустрэча прадстаўніка Ўкраіны — экс-прэзыдэнта Леаніда Кучмы, пасла Расеі Міхаіла Зурабава, пасланца АБСЭ Гэйдзі Тальявіні і прадстаўнікоў сэпаратыстаў мае прайсьці пасьлязаўтра ў Менску.

Прэзыдэнт Расеі падчас візыту ў Манголію заклікаў выключыць ужываньне авіяцыі супраць мірнага насельніцтва на паўднёвым усходзе Ўкраіны.

Уладзімер Пуцін адзначыў, што ў тэлефоннай размове зь ягоным украінскім калегам Пятром Парашэнкам быў абгавораны плян урэгуляваньня сытуацыі ва Ўкраіне. Кіраўнік Расеі паведаміў журналістам, што гэты плян складаецца зь сямі пунктаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG