Дадатковыя санцыі ўведзеныя з прычыны палітыкі Расеі ў дачыненьні да Ўкраіны.
Як паведамляе агенцыя «Кіодо», санкцыі прадугледжваюць замарожваньне банкаўскіх рахункаў фізычных і юрыдычных асобаў, якія датычныя да дэстабілізацыі сытуацыі ва Ўкраіне і анэксіі Расеяй Крыма. Апроч таго, Японія ўводзіць забарону на імпарт сэрыі таварыў з Крыма.
Прозьвішчы канкрэтных асобаў, назвы кампаній ці тавараў, якія трапілі пад японскія санкцыі, пакуль не называюцца.
Японія ўжо двойчы абвяшчала пра санкцыі ў дачыненьні да Расеі: у сакавіку — пасьля анэксіі Расеяй Крыма, і напрыканцы красавіка — праз напружаную сытуацыю на матэрыковай частцы Ўкраіны. Сярод іншага, абмежавальныя санкцыі прадугледжвалі прыпыненьне выдачы віз 23 высокапастаўленым расейскім чыноўнікам.