Лінкі ўнівэрсальнага доступу

Застрэлены мэр Крамянчуку, па доме львоўскага мэра стралялі з гранатамёту


Мэр Крамянчуку Алег Бабаеў
Мэр Крамянчуку Алег Бабаеў

Ва Ўкраіне 26 ліпеня ўчыненыя два напады на кіраўнікоў мясцовай ўлады.

У Крамянчуку Палтаўскай вобласьці быў забіты мэр гораду Алег Бабаеў, вядомы сваёй падтрымкай актывістаў Майдану і адмоўным стаўленьнем да палітыкі былога прэзыдэнта Віктара Януковіча.

Раніцай Алег Бабаеў ад’ехаў ад свайго дому на прыватным аўтамабілі і неўзабаве быў застрэлены на дарозе невядомымі, якія зьехалі на аўтамабілі Жыгулі. Па мэру тройчы стрэлілі зь пісталета з глушыцелем. Міліцыя абвясьціла плян «Перахоп» і зьвярнулася да сьведак злачынства.

Таксама ноччу быў абстраляны з гранатамёта «Муха» дом гарадзкога галавы Львова Андрэя Садовага. Пацярпелых няма, але дому нанесеная шкода, паведамляе УНІАН.

Украінскія праваахоўнікі не выключаюць кваліфікацыі злачынстваў як тэрарыстычных актаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG