Падзеі дня
У Пастаўскім раёне да 31 ліпеня будзе працягвацца эка-пленэр на возеры Балдук, арганізаваны Галерэяй сучаснага мастацтва «Ў», грамадзкай арганізацыяй «Экадом» і установай «Агра-Эка-Культура»
У Ракуцёўшчыне (Маладэчанскі раён) — у філіі літаратурнага музэю Максіма Багдановіча адбудзецца традыцыйнае сьвята паэзіі і песьні «Ракуцёўскае лета — 2014».
У Мсьціславе (Магілёўская вобласьць) — фэст сярэднявечнай культуры «Рыцарскі фэст. Мсьціслаў — 2014».
Гэты дзень у гісторыі
1824— пачалося будаўніцтва Аўгустоўскага каналу, які злучыў басэйны Нёману і Віслы.
1944— ад нацыстаў вызвалены Беласток, які да вайны належаў Беларусі.
1953— Скончылася Карэйская вайна — ЗША, КНР, Паўднёвая і Паўночная Карэі падпісалі пагадненьне аб спыненьні баявых дзеяньняў.
1955— Скончылася акупацыя заходнімі саюзьнікамі Аўстрыі, якая цягнулася з канца Другой сусьветнай вайны.
1990— Вярхоўны Савет БССР прыняў дэклярацыю аб дзяржаўным сувэрэнітэце Беларускай ССР.
«У той час менавіта Апазыцыя Беларускага Народнага Фронту зрабіла гераічны ўчынак з таго, што дамаглася менавіта гэтай сувэрэннасьці. Гэта, канешне, яе заслуга. І чым далей, незалежна ад таго, чым гэта скончыцца — незалежна ад гэтага , ад лёсу Беларусі наогул, — зноў жа, у гістарычным вымярэньні гэта будзе вельмі значна і гэта будзе ацэнена праз вякі. І тут ня так важна, ці гэта скончылася вялікай удачай, хаця, канешне, шанец быў, вельмі рэдкі. Ну, відаць, грамадзтва перш за ўсё, з пэўных прычын не магло пакарыстацца гэтым шанцам. Але, усё-такі зроблена спроба, можа быць самая радыкальная і самая выніковая спроба з усіх спроб». (Васіль Быкаў, 1997 г.)
У гэты дзень нарадзіліся:
1876— Цётка (Алаіза Пашкевіч), беларуская паэтэса, адна са стваральнікаў БСГ
1877— Уладзімер Перцаў, беларускі гісторык.
1906— Ежы Гедройць, польскі публіцыст, выдавец і рэдактар польскага часопісу «Kultura» ў Парыжы.
У гэты дзень памерлі:
1697— Дамінік Мікалай Радзівіл, дзяржаўны дзеяч ВКЛ, староста лідзкі, ваўкавыскі, вярбілаўскі.
1903— Юльян Крачкоўскі, беларускі фальклярыст, этнограф, гісторык і пэдагог, аўтар «Нарысаў быту заходнерускага селяніна» (1869) — першага падрабязнага дасьледаваньня сямейных і каляндарна-аграрных абрадаў беларусаў і выхаваньня іх дзяцей.
1969— Яўхім Кіпель, беларускі пэдагог і актывіст беларускай дыяспары ў ЗША.