У сераду ўкраінскімі памежнікамі выяўленыя чарговыя прыкметы парушэньня дзяржаўнай мяжы Ўкраіны з боку Расеі, заявіў сьпікер Інфармацыйнага цэнтру РНБА Андрэй Лысенка.
«Так, прыблізна апоўдні памежны нарад на ўчастку Амвросіеўка Данецкага атраду выявіў засыпаны інжынэрны роў і прыкметы заезду на тэрыторыю Ўкраіны на глыбіню 70 мэтраў пяці адзінак вайсковай тэхнікі – верагодна сыстэмы «Град», – сказаў Лысенка.
Паводле яго, на месцы знойдзеныя парэшткі элемэнтаў ад адстралянага боезапасу.
На прылеглай тэрыторыі памежнікі таксама зафіксавалі трактар, які ўзворваў прымежную мясцовасьць, зьнішчаючы доказы перасячэньня мяжы на тэрыторыі Расеі.