Сёньня – 50 гадоў Валянціну Жданко, беларускаму журналісту, супрацоўніку Радыё Свабода, аўтару кнігі «Лісты на Свабоду», вядучаму штотыднёвай перадачы «Паштовая скрынка 111», ляўрэату прэміі імя Алеся Адамовіча Беларускага Пэн-цэнтру.
Калі аўтарытарнай сыстэмы перастаюць баяцца і пачынаюць зь яе насьміхацца нават тыя, хто закліканы ёй аддана служыць – сыстэма гэтая доўга не праіснуе.
Валянцін Жданко
ПАДЗЕІ ДНЯ
У Менску ў Нацыянальным гістарычным музэі адкрыецца міжнародны праект – выстава «Рэчы паміж жыцьцём і сьмерцю» з Музэю Арміі (Стакгольм, Швэцыя). Пачатак у 17.00.
У менскім Цэнтры сучасных мастацтваў адкрыецца арт-праект сучасных латыскіх мастакоў «Самы вялікі хор у сьвеце» з сэрыі імпрэзаў, якая прадстаўляе Рыгу як культурную сталіцу Эўропы 2014. Пачатак у 18.00.
На стадыёне «Трактар» менскае «Дынама» правядзе першы матч у другім кваліфікацыйным раўндзе футбольнай Лігі Эўропы на сваім полі зь фінскім клюбам «МюПа-47». Пачатак у 18.30.
Праект Cinemascope і Асацыяцыя маладых беларускіх кампазытараў прэзэнтуюць другі open-air фэстываль нямога кіно і сучаснай музыкі «Кінэмо». На працягу пяці вечароў ва ўнутраным дворыку музэю-майстэрні Заіра Азгура будуць дэманстравацца нямыя фільмы клясыкаў сусьветнага кінэматографу, агучаныя сучаснымі беларускімі музыкамі і кампазытарамі. Сёньня ў 21.30 – праграма кароткамэтражных фільмаў.
У клюбе RE:Public у рамках праекту Re:Live выступяць Паліна Рэспубліка, Navi и Tanin Jazz (з новым праектам «Адліга»). Пачатак у 19.00.
ГЭТЫ ДЗЕНЬ У ГІСТОРЫІ
1570 — у Вільні заснаваны езуіцкі калегіюм.
1868 — сталіца Японіі перанесеная з Кіёта ў Токіё.
1918 — у Маскве пачаўся Усерасейскі зьезд уцекачоў зь Беларусі.
1918 — забіты разам зь сям’ёй Мікалай II, расейскі імпэратар.
1919 — урад Літоўска-Беларускай Савецкай Сацыялістычнай Рэспублікі спыніў сваю дзейнасьць.
1924 — утвораны Сьветлагорскі раён.
1941 — арганізаваная генэральная акруга «Беларусь», якая разам з генэральнымі акругамі «Літва», «Латвія» і «Эстонія» ўвайшла ў склад нацысцкага рэйхскамісарыяту «Остлянд».
1942 — Пачалася Сталінградзкая бітва.
1945 — Пачалася Патсдамская канфэрэнцыя.
1992 — Славацкія дэпутаты прагаласавалі за выхад Славаччыны са складу Чэхаславаччыны і ўтварэньне сувэрэннай дзяржавы.
У гэты дзень нарадзіліся:
1954 — Ангела Мэркель, нямецкі палітык, канцлер Нямеччыны.
1959 — Барыс Пятровіч, беларускі празаік.
1964 – Валянцін Жданко, беларускі журналіст.
З КАЛЕНДАРА БАХАРЭВІЧА
Размова з вэтэранам. 17 ліпеня 1918 у Расеі забітая імпэратарская сям’я
