ПАДЗЕІ ДНЯ
У Менску пачнецца двухдзённы штогадовы сэмінар кіраўнікоў дыпляматычных прадстаўніцтваў і консульскіх установаў Рэспублікі Беларусь. На адкрыцьці сэмінару ў акадэміі кіраваньня пры прэзыдэнце РБ выступіць кіраўнік МЗС Уладзімер Макей.
У Менску па адрасе: вул. Кульман 4 пройдзе адкрытае пасяджэньне Форуму грамадзкіх арганізацый і грамадзянскіх ініцыятыў Менску.
Плянуецца падпісаньне дэклярацыі аб супрацоўніцтве, абмеркаваньне і прэзэнтацыя плянаў сумеснай работы арганізацый.
У мерапрыемстве прымуць удзел прадстаўнікі няўрадавых аб’яднаньняў і ініцыятываў Менску, у тым ліку менскай гарадзкой арганізацыі прафсаюзу РЭП, Лігі разьвіцьця дэмакратыі «Грамадзянскі вэрдыкт», менскай гарадзкой арганізацыі АГП, менскай гарадзкой арганізацыі Беларускай Хрысьціянскай Дэмакратыі ды іншых. Пачатак а 14.00.
ТАКСАМА Ў ГЭТЫ ДЗЕНЬ
1917 — Першае беларускае таварыства драмы і камэдыі дало прэм’ерную пастаноўку п’есы Янкі Купалы «Раскіданае гняздо».
1919 — у Горадні польскія ўлады забаранілі газэту «Родны край», а рэдактара Тамаша Грыба арыштавалі
1922 — абвешчана аўтаномія Беларускай праваслаўнай царквы на чале зь мітрапалітам Мэлхісэдэкам.
1941 — пачалася Смаленская абарончая апэрацыя. Упершыню ў Другой Сусьветнай вайне нямецкія войскі перайшлі ад наступу да абароны.
1972 — у вёсцы Вязынка Маладзечанскага раёну адкрыўся Купалаўскі мэмарыяльны запаведнік.
1991 — адбылася інаўгурацыя першага прэзыдэнта Расеі Барыса Ельцына
1992 — Беларусь стала чальцом Міжнароднага валютнага фонду
1994 — першым прэзыдэнтам Рэспублікі Беларусь у другім туры абраны Аляксандар Лукашэнка.
У гэты дзень нарадзіліся:
1509 — Жан Кальвін, францускі рэлігійны рэфарматар.
«Бог нічога не павінен нам за добрыя справы. Чаму ж? Таму што яны зыходзяць зь яго скарбніцы, у якой знаходзіліся задоўга да таго, як прыйшлі да нас».
Жан Кальвін
1781 — Антон Марціноўскі, беларускі выдавец і публіцыст
1871 — Марсэль Пруст, францускі пісьменьнік. У гісторыі францускай літаратуры Пруст вядомы як пачынальнік псыхалягічнага раману.
«Не бойцеся зайсьці занадта далёка, таму што ісьціна заўсёды яшчэ далей».
Марсэль Пруст
1857 — Анатоль Бонч-Асмалоўскі, рэвалюцыянэр-народнік
1895 — Павал Сухі, савецкі авіяканструктар, нарадзіўся ў Глыбокім Віцебскай вобласьці. Сухі — аўтар больш як 50 самалётаў, 30 зь якіх былі пабудаваныя і выпрабаваныя.
1900 — Пётра Сергіевіч, беларускі жывапісец і графік, мастак-манумэнталіст.
1914 — Яфрэм Карпачоў, беларускі гісторык
1937 — Леанід Дземідовіч, беларускі навуковец-гэоляг
1942 — Пятро Клімук, беларускі савецкі касманаўт
1977 — Віктар Ганчарэнка, футбаліст, галоўны трэнэр футбольнага клюбу БАТЭ
З КАЛЕНДАРА БАХАРЭВІЧА
П’яны, як карабель. 10 ліпеня 1873 Вэрлен страляе ў Рэмбо
