Андрэя Бандарэнку абвінавачваюць ва ўчыненьні хуліганскіх дзеяньняў, спалучаных з ужываньнем фізычнай сілы.
Справу расьсьледаваў Кастрычніцкі райаддзел Сьледчага камітэту па Менску.
«Падчас расьсьледаваньня ўстаноўлены тры эпізоды хуліганскіх дзеяньняў, учыненых абвінавачаным, два зь якіх зьвязаныя з ужываньнем гвалту ў адносінах да жанчын. Яго дзеі кваліфікаваныя сьледчымі як злачынствы, прадугледжаныя ч.1, ч.2 і ч.3 арт. 339 Крымінальнага кодэксу (хуліганства, злоснае хуліганства і асабліва злоснае хуліганства)», — паведамляе БЕЛТА са спасылкай на Сьледчы камітэт.
Абвінавачаны і абаронца атрымалі максымальна дапушчальны тэрмін для азнаямленьня з матэрыяламі справы.
Бандарэнку пакінулі пад вартай.