Магілёў: выстава ў тралейбусе

Незвычайны тралейбус пачаў курсаваць у Магілёве. У ягоным салёне і на бартах — карціны. Гэтак мясцовая суполка «Цэнтар гарадзкіх ініцыятываў» пры падтрымцы кампаніі «Будзьма беларусамі» вырашыла далучыць магілёўцаў да беларускага мастацтва. Праект назвалі «Мастацтва на колах». Усе карціны ў тралейбусе — магілёўскага мастака Базыля Камарова. Ён вядомы сваімі творамі на гістарычную тэматыку. Пабачыць незвычайную выставу магілёўцы могуць да канца году на тралейбусным маршруце № 4.