Мундыяль будзе доўжыцца больш за месяц, яго фінальны паядынак адбудзецца 13 ліпеня.
У матчы адкрыцьця турніру ў Сан-Паўлу сустрэнуцца гаспадары чэмпіянату бразыльцы і зборная Харватыі. Пачатак а 23 гадзіны па менскім часе.
Прэзыдэнт Бразыліі Дылма Русэф заявіла, што яе краіна вітае каля 600 тысяч заўзятараў, якіх чакаюць з усяго сьвету. Бразылія выдаткавала каля 11 мільярдаў даляраў на будаўніцтва і рамонт 12 стадыёнаў і мадэрнізацыю інфраструктуры, што робіць цяперашні турнір самым дарагім у гісторыі.
Значныя выдаткі пацягнулі пратэсты ў Бразыліі. Крытыкі ўлады лічаць, што гэтыя рэсурсы лепш было б выдаткаваць на школы, бальніцы і грамадзкі транспарт. Улады асьцерагаюцца паўтарэньня хвалі пратэстаў, якая ў мінулым годзе ўскладніла правядзеньне Кубка канфэдэрацый ФІФА.
Бразылія прымала чэмпіянат сьвету па футболе 1950 года.
У матчы адкрыцьця турніру ў Сан-Паўлу сустрэнуцца гаспадары чэмпіянату бразыльцы і зборная Харватыі. Пачатак а 23 гадзіны па менскім часе.
Прэзыдэнт Бразыліі Дылма Русэф заявіла, што яе краіна вітае каля 600 тысяч заўзятараў, якіх чакаюць з усяго сьвету. Бразылія выдаткавала каля 11 мільярдаў даляраў на будаўніцтва і рамонт 12 стадыёнаў і мадэрнізацыю інфраструктуры, што робіць цяперашні турнір самым дарагім у гісторыі.
Значныя выдаткі пацягнулі пратэсты ў Бразыліі. Крытыкі ўлады лічаць, што гэтыя рэсурсы лепш было б выдаткаваць на школы, бальніцы і грамадзкі транспарт. Улады асьцерагаюцца паўтарэньня хвалі пратэстаў, якая ў мінулым годзе ўскладніла правядзеньне Кубка канфэдэрацый ФІФА.
Бразылія прымала чэмпіянат сьвету па футболе 1950 года.
