Відэазапіс, на якім трое мужчынаў зьбіваюць і выкідаюць зь менскага трамвая сталую жанчыну, зьявіўся на рэсурсе onliner.by.
Тацяна, якая была сьведкай бойкі, даслала відэа інцыдэнту ў рэдакцыю сайта. Паводле яе сьведчаньняў, здарэньне адбылося ў трамваі № 3.
На відэа выразна бачныя твары мужчынаў, якія бяруць удзел у зьбіцьці, а таксама твар прысутнага пры здарэньні кантралёра. Відаць таксама, што жанчыну б’юць па галаве, а мужчына, які выкінуў яе з трамвая, спрабуе ўдарыць яе нагой.
«Страшнае пачуцьцё агіды адчула я да гэтых жорсткіх людзей. Калі трохі раней людзі былі проста абыякавымі, то цяпер яны сталі яшчэ і больш агрэсіўнымі. Страшна і агідна», — прыводзіць словы аўтаркі відэа Тацяны onliner.by
Кіраўнік трамвайнага парку Алег Сінькевіч паведаміў Радыё Свабода, што яму нічога не дакладалі пра гэты інцыдэнт і камэнтароў для прэсы ён на дадзены момант ня мае.
Прэс-сакратар менскай міліцыі Аляксандар Ластоўскі відэа таксама ня бачыў.
«Праверка гэтага інцыдэнту магчымая, калі пацярпелы ці сьведка зьвернецца ў праваахоўныя органы. Прычым зрабіць гэта можна ня толькі пісьмовым зваротам, але і праз электронную пошту на сайце МУС. Можна паведаміць свае зьвесткі, прыкласьці відэа ці нават спасылку на інфармацыю ў электронным СМІ. Тады праваахоўныя органы абавязкова правядуць праверку».
Увага, ненарматыўная лексыка
Тацяна, якая была сьведкай бойкі, даслала відэа інцыдэнту ў рэдакцыю сайта. Паводле яе сьведчаньняў, здарэньне адбылося ў трамваі № 3.
На відэа выразна бачныя твары мужчынаў, якія бяруць удзел у зьбіцьці, а таксама твар прысутнага пры здарэньні кантралёра. Відаць таксама, што жанчыну б’юць па галаве, а мужчына, які выкінуў яе з трамвая, спрабуе ўдарыць яе нагой.
«Страшнае пачуцьцё агіды адчула я да гэтых жорсткіх людзей. Калі трохі раней людзі былі проста абыякавымі, то цяпер яны сталі яшчэ і больш агрэсіўнымі. Страшна і агідна», — прыводзіць словы аўтаркі відэа Тацяны onliner.by
Кіраўнік трамвайнага парку Алег Сінькевіч паведаміў Радыё Свабода, што яму нічога не дакладалі пра гэты інцыдэнт і камэнтароў для прэсы ён на дадзены момант ня мае.
Прэс-сакратар менскай міліцыі Аляксандар Ластоўскі відэа таксама ня бачыў.
«Праверка гэтага інцыдэнту магчымая, калі пацярпелы ці сьведка зьвернецца ў праваахоўныя органы. Прычым зрабіць гэта можна ня толькі пісьмовым зваротам, але і праз электронную пошту на сайце МУС. Можна паведаміць свае зьвесткі, прыкласьці відэа ці нават спасылку на інфармацыю ў электронным СМІ. Тады праваахоўныя органы абавязкова правядуць праверку».
Увага, ненарматыўная лексыка
На жаль, гэтая опцыя пакуль што недаступная
