Цягам апошніх дзён бальшыня раёнаў Менска не вытрымлівае вялікіх дажджоў і ў літаральным сэнсе сыходзіць пад ваду. Нягледзячы на абяцаньні гарадзкіх уладаў выправіць сытуацыю, патопы паўтараюцца з году ў год.
На сайце прадпрыемства «Менскінжпраект» указаныя дакладныя тэрміны, калі дажджавыя калектары, якія павінны былі ўратаваць менчукоў ад паводак і ліўняў, мусілі быць здадзеныя ў эксплюатацыю: калектар «Цэнтар» з капітальнымі ўкладаньнямі 344 тысячы даляраў — 2010-2012 гады, калектар «Няміга» коштам 416 тысяч даляраў — 2011-2013 гады. Між тым, іх будаўніцтва вядзецца дагэтуль, а тым часам затапленьні праблемных вуліц працягваюцца.
Галоўны інжынэр «Менскінжпраекту» Уладзімер Котаў у размове са Свабодай прызнае, што адсутнасьць патрэбнага фінансаваньня не дае ўкласьціся ў графік:
«Ды не, нічога праясьніць не магу па гэтым пытаньні, усё залежыць ад фінансаваньня...»
Карэспандэнт: «Але цяпер падтопліваюцца ня толькі цэнтральныя часткі горада, але і ўскраіны...»
«Гэта цалкам нармальная зьява. Нарматыўнай базай прадугледжанае трохразовае на год перапаўненьне любога калектара. Паўтараю — любога. Гэта значыць, абсалютна ўсе тэрыторыі падвержаныя падтапленьню. І нічога тут не зробіш: гэта стыхія, прыродная зьява. То бок, усё залежыць ад інтэнсыўнасьці ападкаў».
Карэспандэнт: «То бок, нават калі будуць цалкам уведзеныя калектары „Цэнтар“ і „Няміга“, патопы будуць працягвацца?»
«Так, нічога ад гэтага практычна ня зьменіцца. Будзе моцны лівень — будзе і вада».
У нядзелю бальшыня цэнтральных частак вуліц і праспэктаў Менска былі затопленыя, рух аўтатранспарту быў паралізаваны. На панядзелак сыноптыкі не выключаюць паўтарэньня стыхіі.
На сайце прадпрыемства «Менскінжпраект» указаныя дакладныя тэрміны, калі дажджавыя калектары, якія павінны былі ўратаваць менчукоў ад паводак і ліўняў, мусілі быць здадзеныя ў эксплюатацыю: калектар «Цэнтар» з капітальнымі ўкладаньнямі 344 тысячы даляраў — 2010-2012 гады, калектар «Няміга» коштам 416 тысяч даляраў — 2011-2013 гады. Між тым, іх будаўніцтва вядзецца дагэтуль, а тым часам затапленьні праблемных вуліц працягваюцца.
Галоўны інжынэр «Менскінжпраекту» Уладзімер Котаў у размове са Свабодай прызнае, што адсутнасьць патрэбнага фінансаваньня не дае ўкласьціся ў графік:
«Ды не, нічога праясьніць не магу па гэтым пытаньні, усё залежыць ад фінансаваньня...»
Карэспандэнт: «Але цяпер падтопліваюцца ня толькі цэнтральныя часткі горада, але і ўскраіны...»
Гэта цалкам нармальная зьява. Нарматыўнай базай прадугледжанае трохразовае на год перапаўненьне любога калектара. Паўтараю — любога
Карэспандэнт: «То бок, нават калі будуць цалкам уведзеныя калектары „Цэнтар“ і „Няміга“, патопы будуць працягвацца?»
«Так, нічога ад гэтага практычна ня зьменіцца. Будзе моцны лівень — будзе і вада».
У нядзелю бальшыня цэнтральных частак вуліц і праспэктаў Менска былі затопленыя, рух аўтатранспарту быў паралізаваны. На панядзелак сыноптыкі не выключаюць паўтарэньня стыхіі.
