Апазыцыя запатрабавала адстаўкі прэзыдэнта Абхазіі

Сярод патрабаваньняў тых, хто сабраўся – адстаўка кіраўніка рэспублікі, ўраду, генэральнага пракурора і кіраўнікоў адміністрацый некалькіх раёнаў.

Як паведамляюць мясцовыя СМІ, апазыцыя незадаволеная дзеяньнямі ўлады, якія, на думку пратэстоўцаў, прывялі краіну да банкруцтва.

Прэзыдэнт Аляксандар Анкваб сустрэўся зь лідэрамі апазыцыі. Афіцыйна пра вынікі перамоў нічога не паведамляецца.

Як перадае ІТАР-ТАСС са спасылкай на прадстаўніка апазыцыі, перамовы не прынесьлі вынікаў.