Нацыянальны экзіт-пол: Парашэнка перамагае ў першым туры (ЖЫВЫ БЛОГ)
25 траўня ва Ўкраіне адбываюцца пазачарговыя прэзыдэнцкія выбары. Яўка высокая за выключэньнем акупаванага Крыма і Данбаса, дзе дзейнічаюць узброеныя баевікі.
Кандыдат на пасаду прэзыдэнта Ўкраіны Пётар Парашэнка прыбыў на выбарчы ўчастак у кіеўскім доме афіцэраў з жонкай і чатырма дзецьмі. Парашэнка, кідаючы бюлетэнь, усклікнуў «Слава Ўкраіне» і перахрысьціў скрыню.
17:3525.5.2014
У Луганскай вобласці захапілі выбарчы ўчастак, разьбілі там усё, забраўшы выбарчую дакумэнтацыю і бюлетэні
#ukrainevotes
Адстаяўшы ў чарзе і прагаласаваўшы на адным з кіеўскіх участкаў старшыня Вярхоўнай Рады Ўкраіны, выконваючы абавязкі прэзыдэнта Аляксандр Турчынаў заявіў, што пасьля абраньня прэзыдэнта Украіна будзе мець фактычна завершаную архітэктуру улады, што вельмі важна для стабілізацыі сытуацыі ў дзяржаве.
Былая дзяржсакратар ЗША Мадлен Олбрайт і былы міністар замежных спраў Іспаніі Ана Палас, якія зьяўляюцца кіраўнікамі Міжнароднай місіі назіраньня за выбарамі ва Ўкраіне, на адным з участкаў у цэнтры Кіева.
16:3225.5.2014
Вайскоўцы, якія ўдзельнічаюць у антытэрарыстычнай апэрацыі, таксама галасуюць
На 15 гадзін прагаласавалі каля 15% вайскоўцаў, якія бяруць удзел у антытэрарыстычныя апэрацыі ў Данбасе, паведаміў намесьнік начальніка Галоўнага каманднага цэнтра Ўзброеных сіл Украіны генэрал-маёр Аляксандар Размазьнін.
