Лінкі ўнівэрсальнага доступу

Эўракамісія выдзеліць Украіне мільярд эўра на рэформы


Дэлегацыя прадстаўнікоў урада Ўкраіны ў аўторак у Брусэлі правядзе сустрэчу з эўрапейскімі камісарамі. Адной з тэм абмеркаваньня будзе прадстаўленьне Ўкраіне дапамогі для правядзеньня неабходных палітычных і эканамічных рэформаў.

Як паведамілі ў Эўракамісіі, дэлегацыю ўзначаліць прэм’ер-міністар Украіны Арсень Яцанюк.

Сёньня днём адбудзецца двухбаковая сустрэча ўкраінскага прэм’ера і кіраўніка Эўракамісіі Жазэ Мануэля Барозу. Пасьля гэтага адбудзецца пленарнае пасяджэньне ўдзельнікаў ўкраінскай дэлегацыі і эўрапейскіх камісараў, па выніках якога Барозу і Яцанюк правядуць прэс-канфэрэнцыю.

Чакаецца, што прадстаўнікі ўрада Ўкраіны ў ходзе візыту ў Брусэль падпішуць мэмарандум аб выдзяленьні краіне макрафінансавай дапамогі на 1 мільярд эўра ад Эўразьвязу. Віцэ-прэзыдэнт Эўракамісіі ад імя Эўразьвязу ў канцы красавіка ўжо падпісаў гэты дакумэнт.

Адпаведная фінансавая падтрымка зьяўляецца часткай пакета дапамогі ад Эўракамісіі для Ўкраіны памерам 11 мільярдаў эўра.

Напярэдадні прэм’ер-міністар Арсень Яцанюк заявіў, што ў аўторак у Брусэлі адбудзецца «гістарычнае сумеснае пасяджэньне» дэлегацый ўрада Ўкраіны і Эўрапейскай камісіі. Паводле яго слоў, на ім чакаецца падпісаньне важных дакумэнтаў, «у тым ліку аб выдзяленьні мільярднай фінансавай дапамогі Украіне».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG