Чубараў распавёў сайту «Крым. Рэаліі», што яго запрасілі ў пракуратуру на сустрэчу з намесьнікам пракурора, але прычыну выкліку не патлумачылі. Папярэджаньне лідэру Мэджліса зачытала непасрэдна пракурор Крыма Натальля Паклонская.
Рафат Чубараў адзначыў, што не атрымаў ад Паклонскай копіі папярэджаньня:
«Яна разыграла спэктакль і заявіла, што 5 траўня на сустрэчы ў 10.00 я змагу атрымаць копію».
Чубараў таксама распавёў, што прасіў пракурора зачытаць папярэджаньне украінскай або крымскататарскай мовамі, якія, паводле «Канстытуцыі Рэспублікі Крым», зьяўляюцца на паўвостраве дзяржаўнымі.
У нядзелю пракурор Крыма папярэдзіла Чубарова аб «непрымальнасьці вядзеньня экстрэмісцкай дзейнасьці» і прыгразіла ліквідацыяй Мэджліса.
Адбылося гэта пасьля таго, як тысячы татар пратэставалі супраць забароны расейскіх уладаў на наведваньне Крыма іх лідэру Мустафе Джамілеву.
Рафат Чубараў адзначыў, што не атрымаў ад Паклонскай копіі папярэджаньня:
«Яна разыграла спэктакль і заявіла, што 5 траўня на сустрэчы ў 10.00 я змагу атрымаць копію».
Чубараў таксама распавёў, што прасіў пракурора зачытаць папярэджаньне украінскай або крымскататарскай мовамі, якія, паводле «Канстытуцыі Рэспублікі Крым», зьяўляюцца на паўвостраве дзяржаўнымі.
У нядзелю пракурор Крыма папярэдзіла Чубарова аб «непрымальнасьці вядзеньня экстрэмісцкай дзейнасьці» і прыгразіла ліквідацыяй Мэджліса.
Адбылося гэта пасьля таго, як тысячы татар пратэставалі супраць забароны расейскіх уладаў на наведваньне Крыма іх лідэру Мустафе Джамілеву.
