Ад 25 красавіка Беларусь адкрыла межы для заўзятараў, якія захочуць прыехаць на чэмпіянат сьвету па хакеі.
На распараджэньне Аляксандра Лукашэнкі да канца траўня іншаземцам, якія ўяжджаюць па квітках на любы з матчаў усясьветнага першынства, не спатрэбіцца віза і мэдычная страхоўка, а грамадзкі транспарт будзе перавозіць іх па Менску бясплатна. Тым часам многія жыхары суседніх краінаў разглядаюць спартовае мерапрыемства выключна як спосаб наведаць сваякоў, набыўшы ў інтэрнэце квіток за сымбалічныя 10 даляраў.
«Замест прыбіральні — дзірка ў падлозе». Першыя ўражаньні хакейных турыстаў
Кшыштаф Шыпер, хакейны турыст з Кракава, дзеліцца ўражаньнямі ад перасячэньня польска-беларускай мяжы.