11:26
2.5.2014
Баевікі хацелі захапіць цягнік
Украінскі вайсковы экспэрт Дзьмітры Тымчук паведаміў, што сэпаратысты ў Славянску зрабілі спробу захопу пасажырскага цягніка «Масква-Марыюпаль».
"У прыватнасьці, спроба захопу была прадпрынятая падчас прыпынку цягніка ў Славянску (прыбыцьцё ў Славянск ў 8.06). Сцэнар тэрарыстаў сарвалі падразьдзяленьні антытэрору. Ахвяр і пацярпелых няма,"— паведаміў Тымчук у Фэйсбуку.
11:11
2.5.2014
RT @L1ghtar: @EDVDLion известная тактика российских диверсантов прикрываться живым щитом из местного населения. Бояться сепаратисты оставит…
— Радыё Свабода (@svaboda) 2.5.2014
11:02
2.5.2014
«Абвэр» ня слухаецца «Стралка»
Новыя падрабязнасьці аб разборках у стане расейскіх дывэрсантаў у Славянску і Горлаўцы падае вайсковы экспэрт Дзьмітры Тымчук.
«Паводле апэратыўных зьвестак групы «Інфармацыйны Супраціў», у ходзе перадачы паўнамоцтваў ад камандзіра групы расейскіх дывэрсантаў «Стралка», які знаходзіцца ў Славянску, расійскаму дывэрсанту «Абвэру», які знаходзіцца ў Горлаўцы, узьніклі праблемы.
«Абвэр» адмовіўся ад прыняцьця камандаваньня. У цяперашні момант гэты дывэрсант спрабуе пакінуць Горлаўку. Украінскія сілавікі прымаюць меры па яго затрыманьню,»—паведаміў Тымчук у Фэйсбуку.
10:59
2.5.2014
RT @SergeyPonomarev: Пробрался в #Славянск на баррикаде самооборона не пускает дальше в город.
— Українська правда (@ukrpravda_news) 2.5.2014
10:58
2.5.2014
На дарогах зьявіўся «жывы шчыт»
«Мясцовыя жыхары перакрылі пераезд у Славянск, не даўшы праехаць украінскім дэсантнікам«,— паведамляе Аляксандар Коц з «Камсамольскай праўды».
«Мясцовыя жыхары перакрылі пераезд у Славянск, не даўшы праехаць украінскім дэсантнікам«,— паведамляе Аляксандар Коц з «Камсамольскай праўды».
10:51
2.5.2014
Баевікі абараняюцца бэнзавозамі
Прарасейскія сілы заблякавалі Славянск блёкпастамі і барыкадамі, паведамляе РІА «Новості». Данецкія сэпаратысты перагарадзілі пад’езды да горада цяжкай тэхнікай, у тым ліку бэнзавозамі
10:48
2.5.2014
RT @sashakots: Наблюдатель украинских десантников у горы Карачун #Славянск #Украина http://t.co/V1M1JfglfA
— Українська правда (@ukrpravda_news) 2.5.2014
10:47
2.5.2014
RT @xxxpitx: Украинские десантники на высоте перед #Славянск http://t.co/WQSXaI8ILD
— Українська правда (@ukrpravda_news) 2.5.2014
10:42
2.5.2014
10:37
2.5.2014
Войска ня будзе страляць у бяззбройных
Украінскі афіцэр паведаміў журналісту «Камсамольскай праўды» Аляксандру Коцу: «Армія ў горад ня пойдзе. Страляць па бяззбройных ня будзе».
10:29
2.5.2014
Мінабароны Ўкраіны паведаміла пра дваіх забітых
Мінабароны Ўкраіны пацтвердзіла, што ў Славянску зьбітыя два верталёты Мі-24 і пашкоджаны яшчэ адзін верталёт Мі-8 Узброеных сіл, двое вайскоўцаў загінулі і яшчэ некалькі параненыя.
«Пад Славянскам Данецкай вобласьці зьбітыя два верталёта Мі-24 Узброеных сіл Украіны, якія ажыцьцяўлялі паветранае патруляваньне. Паводле папярэдняй інфармацыі, баявыя машыны зьбітыя невядомымі асобамі з выкарыстаньнем пераносных зэнітна-ракетных комплексаў. У выніку абстрэлу двое вайскоўцаў Узброеных сіл загінулі, яшчэ некалькі атрымалі раненьні рознай ступені цяжкасьці», — гаворыцца ў паведамленьні Мінабароны Ўкраіны.
10:20
2.5.2014
Баевікоў узялі ў палон
Кіраўнік МУС Украіны Арсен Авакаў паведаміў аб захопе сілавікамі 10 блокпастоў і узяцьці ў палон сэпаратыстаў у Славянску.
«Узятыя усе 10 блокпастоў. Захопленыя палонныя баевікі», — напісаў Авакаў на сваёй старонцы ў Facebook.
10:16
2.5.2014
Сэпаратысты хочуць зьвярнуцца да Пуціна
Баевікі ў Славянску склікаюць насельніцтва горада на плошчу для запісу відэазварота да Пуціна.
Як паведамляе Еспресо.TV, «Жыхароў Славянска заклікаюць выйсьці на цэнтральную плошчу горада, дзе знаходзяцца карэспандэнты расейскіх тэлеканалаў „для карцінкі“. Пра гэта цяпер гаворыцца ў перамовах сэпаратыстаў на іх радыёканалах.
Жыхароў зьбіраюць на плошчы для таго, каб запісаць відэазварот да прэзыдэнта Расеі Ўладзіміра Пуціна з просьбай аказаць падтрымку».
10:09
2.5.2014
Расейскі дывэрсант «Стралок» ідзе на прарыў
Украінскі вайсковы экспэрт Дзьмітры Тымчук паведаміў, што камандзір расейскіх дывэрсантаў «Стралок» з групай падначаленых ідзе на прарыў са Славянска:
«Мясцовым сэпаратыстам паведамлена, што на ўмяшаньне Расіі асабліва разьлічваць пакуль ня варта. Штаб тэрарыстаў у Славянску расфарміроўваецца — аналягічная структура арганізуецца ў Горлаўцы. Камандаваньне перададзена дывэрсанту з пазыўнымі „Абвэр“.
Тымчук таксама паведаміў, што паводле апэратыўных дадзеных групы „Інфармацыйны Супраціў“ , у Славянску сілавікі замкнулі „кола“ вакол асноўных сіл тэрарыстаў:
Зьявілася інфармацыя аб тым , што расейскія дывэрсанты, якія зьяўляюцца „ядром“ тэрарыстычных сіл, маюць намер прабівацца скрозь атачэньне да мяжы з Расеяй. Мясцовыя сэпаратысты ў гэтым выпадку будуць вырашаць свае праблемы самастойна.
Украінскія сілавікі прымаюць меры для прадухіленьня прарыву».
Паводле інфармацыі Тымчука, тэрарысты ў Славянску рыхтуюцца таксама ажыцьцявіць правакацыю з магчымай гібельлю людзей, каб імітаваць «зьверствы» ўкраінскіх сілавікоў.
"Расейскія журналісты тэрмінова зьбіраюцца лідэрамі тэрарыстаў у раёне, пакуль яшчэ кантраляваным прарасейскімі сэпаратыстамі",— піша Тымчук.
09:59
2.5.2014
Зьбіты сэпаратыстамі верталёт у Славянску
09:28
2.5.2014
Авакаў заявіў пра мэты апэрацыі
Міністар унутраных спраў Украіны Арсен Авакаў напісаў пра мэты апэрацыі ў Славянску:
«Нашыя мэты і патрабаваньні Антытэрарыстычнай апэрацыі да тэрарыстаў простыя: вызваліць закладнікаў, скласьці зброю і вызваліць адміністрацыйныя будынкі, аднавіць нармальнае функцыянаваньне гарадзкой інфраструктуры».
09:18
2.5.2014