Поўнамаштабная антытэрарыстычная апэрацыя ў Славянску

Расейскі дывэрсант «Стралок» ідзе на прарыў

Украінскі вайсковы экспэрт Дзьмітры Тымчук паведаміў, што камандзір расейскіх дывэрсантаў «Стралок» з групай падначаленых ідзе на прарыў са Славянска:

«Мясцовым сэпаратыстам паведамлена, што на ўмяшаньне Расіі асабліва разьлічваць пакуль ня варта. Штаб тэрарыстаў у Славянску расфарміроўваецца — аналягічная структура арганізуецца ў Горлаўцы. Камандаваньне перададзена дывэрсанту з пазыўнымі „Абвэр“.

Тымчук таксама паведаміў, што паводле апэратыўных дадзеных групы „Інфармацыйны Супраціў“ , у Славянску сілавікі замкнулі „кола“ вакол асноўных сіл тэрарыстаў:

Зьявілася інфармацыя аб тым , што расейскія дывэрсанты, якія зьяўляюцца „ядром“ тэрарыстычных сіл, маюць намер прабівацца скрозь атачэньне да мяжы з Расеяй. Мясцовыя сэпаратысты ў гэтым выпадку будуць вырашаць свае праблемы самастойна.

Украінскія сілавікі прымаюць меры для прадухіленьня прарыву».

Паводле інфармацыі Тымчука, тэрарысты ў Славянску рыхтуюцца таксама ажыцьцявіць правакацыю з магчымай гібельлю людзей, каб імітаваць «зьверствы» ўкраінскіх сілавікоў.

"Расейскія журналісты тэрмінова зьбіраюцца лідэрамі тэрарыстаў у раёне, пакуль яшчэ кантраляваным прарасейскімі сэпаратыстамі",— піша Тымчук.

Зьбіты сэпаратыстамі верталёт у Славянску

У Краматорску спыніўся транспарт

Першыя ахвяры апэрацыі ў Славянску

Авакаў заявіў пра мэты апэрацыі

Міністар унутраных спраў Украіны Арсен Авакаў напісаў пра мэты апэрацыі ў Славянску:

«Нашыя мэты і патрабаваньні Антытэрарыстычнай апэрацыі да тэрарыстаў простыя: вызваліць закладнікаў, скласьці зброю і вызваліць адміністрацыйныя будынкі, аднавіць нармальнае функцыянаваньне гарадзкой інфраструктуры».

Умацаваньне барыкадаў баевікамі ў Славянску

Узятыя пад кантроль 9 блок-пастоў сэпаратыстаў у Славянску

СБУ: Верталёт пад Славянскім зьбілі «падрыхтаваны замежныя ваенныя спэцыялісты»

На тэрыторыі Славянску дзейнічаюць падрыхтаваныя высокакваліфікаваныя замежныя ваенныя спэцыялісты, заявілі ў спэцыяльным паведамленьні Антытэрарыстычнага цэнтра пры Службы бясьпекі Ўкраіны:

«Падчас правядзеньня антытэрарыстычнай апэрацыі пад Славянскім 2 траўня некалькімі пускамі ПЗРК ( пераносны зэнітна-ракетны комплекс) быў зьбіты ваенны верталёт Узброеных сіл Украіны. Гэта сьведчыць, што на тэрыторыі правядзеньня АТА дзейнічаюць падрыхтаваныя, высокакваліфікаваныя замежныя ваенныя спэцыялісты, а не мясцовыя мірныя грамадзяне, якія па сьведчаньні расейскага кіраўніцтва маюць зброю, набытую ў паляўнічых крамах», — заявілі ў СБУ.

Зьявілася фота параненага ўкраінскага пілёта

Фотаздымак параненага ўкраінскага пілёта, які быў ўзяты ў палон баевікамі ў Славянску пасьля таго, як быў зьбіты верталёт, зьявілася ў сацсетках і ўкраінскіх сайтах. Фота зрабіў карэспандэнт Камсамольскай праўды Аляксандар Коц.

Як паведамляюць мясцовыя СМІ, зараз паранены знаходзіцца ў шпіталі, у яго агнястрэльную раненьне сьцягна і пералом.

На гэты момант стральба ў аколіцах горада сьціхла, час ад часу толькі чутныя адзінкавыя стрэлы.

Расейскае агенцтва Інтэрфакс паведамляе аб прыпыненьні агню з боку ўкраінскіх сіл.

Баевікі канфіскуюць аўтамабілі

Украінскі вайсковы экспэрт Дзьмітры Тымчук паведаміў у Фэйсбуку:

Паводле апэратыўных дадзеных групы «Інфармацыйны Супраціў», у раёнах Славянска, якія застаюцца пад кантролем тэрарыстаў, апошнія праводзяць экстранную «экспрапрыяцыю» асабістага аўтатранспарту жыхароў горада.

Ёсьць падазрэньні, што тэрарысты распачнуць спробу вырваць на ім з блякаванага горада.

Таксама сярод прыцягнутага сэпаратыстамі да тэрарыстычнай дзейнасьці дробнага крыміналітэту ў Славянску назіраюцца панічныя настроі. Крымінальнікі, «якія працуюць» за грошы, ня згодныя ісьці на рызыку і супрацьстаяць сілавікам за «вялікія ідэі» Масквы",— піша Тымчук.

Аўтаматныя чэргі чутны зь некалькіх бакоў. З блёкпастоў ў неба падымаюцца клубы дыму, паведамляе Slavgorod.com.ua.

Паводле неафіцыйных зьвестак, якія падае УНІАН, украінскія вайскоўцы ўжо адбілі ў баявікоў тэлевышку на гары Карачун, якая дамінуе над горадам.

Ёсьць інфармацыя аб адным зьбітым верталёце. Аб пацярпелых і параненых пакуль інфармацыі няма.

У Славянску пачаўся бой з сэпаратыстамі