Лінкі ўнівэрсальнага доступу

Шэсьце на Дзень Волі 2014. Жывая трансьляцыя

Жывая відэатрансьляцыя з шэсьця і мітынгу ў Менску. Маршрут: ад кінатэатру «Кастрычнік» да плошчы Бангалор. Рэпартаж нон-стоп, інтэрвію з удзельнікамі, камэнтары і рэакцыі.

19:52 25.3.2014
Пакуль калёна ішла да месца мітынгу, сьцямнела. На месцы збору ў парку Дружбы народаў змрочна, ніякага асьвятленьня няма. Мяркуючы па ўсім, на пляцоўку будуць пускаць праз турнікеты, таму не вядома, ці ўсе захочуць ісьці да сцэны. Ахвотных заходзіць за міліцэйскія турнікеты пакуль няшмат, на пляцоўцы літаральна некалькі дзясяткаў чалавек. У бок міліцыянтаў, якія стаяць побач з мэталашукальнікамі, чуюцца воклічы «Ганьба!».
19:44 25.3.2014
Калёна заходзіць у Парк дружбы народаў. Нашы карэспандэнты паведамляюць, што падчас шэсьця людзей ня стала менш — магчыма, колькасьць удзельнікаў акцыі нават павялічылася
19:43 25.3.2014
«Людзі ў цывільным» каля прыпынку «Унівэрсам Рыга» заштурхалі ў тралейбус некалькі маладых людзей з чорнымі сьцягамі — каля 7 чалавек.
19:24 25.3.2014
19:19 25.3.2014
Толькі што два чалавекі ў спартовай форме спрабавалі ўчыніць бойку з удзельнікамі шэсьця. Дэманстранты прыпыніліся і адказалі крыкамі «Ганьба правакатарам». «Цітушкі» адышлі, але працягваюць ісьці побач і сваімі выказваньнямі чапляць удзельнікаў акцыі. У іх у вушах навушнікі, яны паводзяць сябе вельмі нахабна.
19:19 25.3.2014
Калёна дайшла да ўнівэрсаму «Рыга» (скрыжаваньне вуліц Сурганава і Леаніда Бяды). Гучаць лёзунгі «Верым, можам, пераможам», «Жыве Беларусь»

Загрузіць яшчэ

XS
SM
MD
LG