09:28
28.1.2014
28 студзеня Вярхоўня Рада Ўкраіны зьбярэцца на пазачарговае паседжаньне. Будынак Вярхоўнай Рады знаходзіцца за барыкадамі пратэстоўцаў і шэрагамі спэцназу, паміж якімі зараз захоўваецца замірэньне.
Беларуса, які загінуў 22 студзеня на вуліцы Грушэўскага ў Кіеве, пахавалі 28 студзеня ў вёсцы Сьцяг Працы пад Гомелем.
26 студзеня ў Кіеве адбылася паніхіда па Міхаілу і памінальная хада. Тысячы людзей прыйшлі, каб ушанаваць памяць загінулага беларуса. На разьвітаньні былі таксама лідэры ўкраінскай апазыцыі Віталь Клічко, Арсень Яцанюк, Алег Цягнібок. Падчас памінальнай хады людзі ў Кіеве скандзіравалі «Герой!» і «Дзякуй, Беларусь!»
Міхаіл Жызьнеўскі быў забіты на вуліцы Грушэўскага ў Кіеве стрэлам у сэрца 22 студзеня.
Міхаіл доўгі час жыў ва Ўкраіне, быў сябрам арганізацыі УНА-УНСО і моладзевага крыла партыі Віталя Клічко «Ўдар». Паводле афіцыйнай вэрсіі, Міхаіл быў забіты паляўнічай куляй невядомым. Куля трапіла ў аорту каля сэрца.
Міхаіл Жызьнеўскі быў забіты на вуліцы Грушэўскага ў Кіеве стрэлам у сэрца 22 студзеня.
Міхаіл доўгі час жыў ва Ўкраіне, быў сябрам арганізацыі УНА-УНСО і моладзевага крыла партыі Віталя Клічко «Ўдар». Паводле афіцыйнай вэрсіі, Міхаіл быў забіты паляўнічай куляй невядомым. Куля трапіла ў аорту каля сэрца.