Лінкі ўнівэрсальнага доступу

Ужо сёньня, 20 студзеня: Дзень нараджэньня Тарашкевіча, працяг суду ў справе «Экамэдсэрвіса»


Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

У Кастрычніцкім судзе Менску працягнецца судовы працэс супраць лекараў мэдычнага цэнтру «Экамэдсэрвіс», дзе ў сакавіку 2013 году правялі плястычную апэрацыю, пасьля якой 23-гадовая пацыентка Юлія Кубарава памерла. Абвінавачаньне ў службовай нядбайнасьці выстаўленае былому гендырэктару цэнтру Галіне Валжанкінай, галоўнаму інжынэру Вадзіму Ліхуту і лекару-анэстэзіёлягу Аляксандру Шураву. Ім пагражае да 5 гадоў зьняволеньня. Пачатак а 14 гадзіне.

Менск. Прэсавая канфэрэнцыя прадстаўнікоў стваранай партыі Беларуская хрысьціянская дэмакратыя ў сядзібе партыі БНФ. Будуць агучаныя вынікі працы БХД за 2013 год, вынікі этапу вылучэньня выступоўцаў БХД падчас мясцовай кампаніі 2014 года, а таксама пляны БХД і МХД. Пачатак у 12.00.

Вялейка. Адкрыцьцё рэгіянальнага інфармацыйнага цэнтру ў пытаньнях якасьці вады. Месца правядзеньня – сярэдняя школа № 3. Пачатак у 10.30.

ГЭТЫ ДЗЕНЬ У ГІСТОРЫІ

1433 – першае летапіснае ўпамінаньне пра Талачын.

1960 – у Беларусі скасаваная Маладэчанская вобласьць і ўсталяваны той абласны падзел, што існуе да сёньня.

1992 – Беларусь устанавіла дыпляматычныя дачыненьні з Кітайскай Народнай Рэспублікай.

2005 – у Калінінградзе адкрылі помнік Францішку Скарыну.

2009 – 44-м прэзыдэнтам ЗША абраны Барак Абама.

Дзень Яна Хрысьціцеля.

У гэты дзень нарадзіліся:

1891 – Фабіян Ярэміч, беларускі грамадзка-палітычны дзяяч.

1892 – беларускі мовазнавец і палітычны дзяяч Браніслаў Тарашкевіч.

1892 – зьбіральнік і прапагандыст беларускай народнай песьні Рыгор Шырма.

1907 – беларускі філёзаф Iван Лушчыцкi.

1913 – Ларыса Алексютовіч, танцорка, балетмайстар, заслужаная дзяячка мастацтваў Беларусi.

У гэты дзень памерлі:

1955 – Лукаш Дзекуць-Малей, беларускі рэлігійны й грамадзкі дзяяч.

1962 – амэрыканскі паэт Робінсан Джэфэрс.

ЦЫТАТА НА ПАМЯЦЬ:

Народ бяз школы ў роднай мове дзічэе.

Браніслаў Тарашкевіч
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG