Лінкі ўнівэрсальнага доступу

У Парыжы спрабуюць пераканаць сырыйскую апазыцыю пачаць дыялёг з Асадам


Ілюстрацыйнае фота: Грамадзянская вайна ў Сырыі
Ілюстрацыйнае фота: Грамадзянская вайна ў Сырыі
У Парыжы сёньня плянуецца сустрэча прадстаўнікоў дзяржаваў з так званай групы «Сяброў Сырыі». Мэта сустрэчы — паспрабаваць пераканаць усе апазыцыйныя сілы, якія ўваходзяць у сырыйскую Нацыянальную кааліцыю, у неабходнасьці ўдзелу ў мірнай канфэрэнцыі па Сырыі, якая прызначаная на другую палову гэтага месяца ў Швайцарыі.

Канфэрэнцыя атрымала назву «Жэнэва — 2». Сябры сырыйскай Нацыянальнай рады, якія ўваходзяць у апазыцыйную Нацыянальную кааліцыю, раней заяўлялі, што прыедуць у Швайцарыю толькі пасьля таго, як даб’юцца гарантыі няўдзелу прэзыдэнта Сырыі Башара Асада ў будучым пераходным урадзе.

Сярод краінаў-сяброў групы «Сябры Сырыі» — Злучаныя Штаты. Амэрыканскае кіраўніцтва ў Парыжы сёньня прадстаўляе дзяржсакратар ЗША Джон Кэры.

Сёння ж у францускую сталіцу павінен прыехаць міністар замежных справаў Расеі Сяргей Лаўроў, каб абмеркаваць падрыхтоўку да міжнароднай канфэрэнцыі па ўрэгуляваньні ўнутранага сырыйскага канфлікту.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG