Прэзыдэнт Украіны Віктар Януковіч павіншаваў свайго папярэдніка на гэтай пасадзе, першага прэзыдэнта Ўкраіны (1991–1994) Леаніда Краўчука зь днём нараджэньня:
«Прыміце мае сардэчныя віншаваньні з нагоды Вашага 80-годзьдзя. Глыбока паважаю Вас за неацэнны ўклад ва ўмацаваньне канстытуцыйнага ладу і нацыянальнай згоды, разьвіцьцё дэмакратыі ва Ўкраіне. Як патрыёт і мудры палітык Вы зрабілі ўсё, каб наша краіна атрымала міжнароднае прызнаньне і ажыцьцявіла першачарговыя крокі на шляху фарміраваньня самастойнай незалежнай эўрапейскай дзяржавы».
Леанід Краўчук — першы і адзіны прэзыдэнт Украіны, які не адбыў поўнага тэрміну на пасадзе. Абраны ў сьнежні 1991 года, ён добраахвотна сышоў у адстаўку ў ліпені 1994 года пасьля палітычнага крызісу, у выніку якога кіраўніком дзяржавы на наступныя 10 гадоў стаў Леанід Кучма.
У інтэрвію Свабодзе Леанід Краўчук адзначыў, што палітычная сыстэма, якая цяпер існуе ва Ўкраіне, не настроеная на пошук кампрамісу:
«Ведаеце, столькі цяпер выявілася праблем ва Ўкраіне!.. За 22 гады іх колькасьць не зьменшылася, а павялічылася. Гэта цалкам натуральна і заканамерна, таму што на паверхню выходзяць глыбінныя праблемы, якія ўсё драмалі... Таму цяжка нават сказаць — што для цяпер мяне важней. Адзінае, што я магу дакладна сказаць — хацелася б, каб ва Ўкраіне наступілі ўзаемаразуменьне, дэмакратыя і спакой».
Пра нядаўнія арганізаваныя ім «круглыя сталы» паміж уладамі і апазыцыяй Краўчук сказаў:
«Сказаць, што яны вельмі пладавітыя, нельга, як і сказаць, што яны без вынікаў. Усё ж такі на гэтых круглых сталах дамовіліся аб прыняцьці закона аб амністыі, пачалі займацца аналізам зьбіцьця, якое адбылося на Майдане — шукаць вінаватых, весьці сьледзтва».
Пра кіеўскі Эўрамайдан спадар Краўчук зазначыў:
«Майданы таксама сталеюць. Першы Майдан меў іншы сэнс — ішлі прэзыдэнцкія выбары. Потым у нас быў Майдан падатковы. А зараз ужо гэта Майдан, які сфармаваўся на аснове вызначэньня палітычнага курсу дзяржавы. Такога Майдана яшчэ не было... Аптымальнае выйсьце — толькі дыялёг. Сустрэцца прадстаўнікам усіх палітычных сілаў і разам дамовіцца пра будучыню прыладзе нашай дзяржавы. Найбольш дэмакратычная ўсё ж такі парлямэнцка-прэзыдэнцкая рэспубліка. Большасьць эўрапейскіх краін маюць такую форму праўленьня».
Леанід Краўчук узначальвае камісію па падрыхтоўцы новага варыянта Канстытуцыі Ўкраіны.
Інтэрвію Леаніда Краўчука беларускай службе Радыё Свабода ў 2010 годзе
«Прыміце мае сардэчныя віншаваньні з нагоды Вашага 80-годзьдзя. Глыбока паважаю Вас за неацэнны ўклад ва ўмацаваньне канстытуцыйнага ладу і нацыянальнай згоды, разьвіцьцё дэмакратыі ва Ўкраіне. Як патрыёт і мудры палітык Вы зрабілі ўсё, каб наша краіна атрымала міжнароднае прызнаньне і ажыцьцявіла першачарговыя крокі на шляху фарміраваньня самастойнай незалежнай эўрапейскай дзяржавы».
Леанід Краўчук — першы і адзіны прэзыдэнт Украіны, які не адбыў поўнага тэрміну на пасадзе. Абраны ў сьнежні 1991 года, ён добраахвотна сышоў у адстаўку ў ліпені 1994 года пасьля палітычнага крызісу, у выніку якога кіраўніком дзяржавы на наступныя 10 гадоў стаў Леанід Кучма.
У інтэрвію Свабодзе Леанід Краўчук адзначыў, што палітычная сыстэма, якая цяпер існуе ва Ўкраіне, не настроеная на пошук кампрамісу:
«Ведаеце, столькі цяпер выявілася праблем ва Ўкраіне!.. За 22 гады іх колькасьць не зьменшылася, а павялічылася. Гэта цалкам натуральна і заканамерна, таму што на паверхню выходзяць глыбінныя праблемы, якія ўсё драмалі... Таму цяжка нават сказаць — што для цяпер мяне важней. Адзінае, што я магу дакладна сказаць — хацелася б, каб ва Ўкраіне наступілі ўзаемаразуменьне, дэмакратыя і спакой».
Пра нядаўнія арганізаваныя ім «круглыя сталы» паміж уладамі і апазыцыяй Краўчук сказаў:
«Сказаць, што яны вельмі пладавітыя, нельга, як і сказаць, што яны без вынікаў. Усё ж такі на гэтых круглых сталах дамовіліся аб прыняцьці закона аб амністыі, пачалі займацца аналізам зьбіцьця, якое адбылося на Майдане — шукаць вінаватых, весьці сьледзтва».
Пра кіеўскі Эўрамайдан спадар Краўчук зазначыў:
«Майданы таксама сталеюць. Першы Майдан меў іншы сэнс — ішлі прэзыдэнцкія выбары. Потым у нас быў Майдан падатковы. А зараз ужо гэта Майдан, які сфармаваўся на аснове вызначэньня палітычнага курсу дзяржавы. Такога Майдана яшчэ не было... Аптымальнае выйсьце — толькі дыялёг. Сустрэцца прадстаўнікам усіх палітычных сілаў і разам дамовіцца пра будучыню прыладзе нашай дзяржавы. Найбольш дэмакратычная ўсё ж такі парлямэнцка-прэзыдэнцкая рэспубліка. Большасьць эўрапейскіх краін маюць такую форму праўленьня».
Леанід Краўчук узначальвае камісію па падрыхтоўцы новага варыянта Канстытуцыі Ўкраіны.
Інтэрвію Леаніда Краўчука беларускай службе Радыё Свабода ў 2010 годзе
