Лінкі ўнівэрсальнага доступу

Ужо сёньня, 25 сьнежня: у католікаў і пратэстантаў – сьвята Божага Нараджэньня, у Дзедаў Марозаў – хакей


Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ

Каталіцкія і пратэстанцкія вернікі сьвяткуюць Божае Нараджэньне.

«Калядны фэст» сярэднявечнай і фольк-музыкі пройдзе ў Менску.

Прадстаўнікі БХД падалі заяўку на правядзеньне ад 15 да 30 сьнежня сэрыі пікетаў у абарону музэя Максіма Багдановіча ў Менску (вуліца Багдановіча, 7а). Час плянаваных пікетаў ад 18.00 да 19.00.

Ад галоўнай ёлкі на Кастрычніцкай плошчы Менску а 12-й гадзіне мае пачацца шэсьце Дзядоў Марозаў і Сьнягурак. У ім маюць узяць удзел каля 800 казачных герояў. Адным з галоўных удзельнікаў шэсьця таксама мае быць сымбаль чэмпіянату сьвету па хакеі 2014 году зубар Волат, а Дзяды Марозы будуць гуляць у хакей.

У Раўбічах у Музэі беларускага народнага мастацтва да 1 сакавіка будзе працаваць выстава «Беларуская народная ікона ХІХ стагодзьдзя».

ДЗЕНЬ У ГІСТОРЫІ

1891 – у Вішневе на Валожыншчыне нарадзілася Ўладзіслава Луцэвіч, жонка Янкі Купалы. 25 сьнежня прыйшлі на сьвет дзьве народныя артысткі Беларусі: у 1918-м нарадзілася Зінаіда Канапелька, а ў 1936-м – Лілія Давідовіч.

1980 – у цэнтры Менску міліцыя разагнала першую калядную працэсію, наладжаную студэнтамі зь «Беларускай Майстроўні» – арганізацыі, што стала пачаткам усяго арганізаванага адраджэнскага руху ў паваеннай Беларусі.

1991 – незалежная Беларусь была прызнаная найбуйнейшымі краінамі сьвету на чале з ЗША.

ЦЫТАТА НА ПАМЯЦЬ

Мне падабаецца ваш Хрыстос, мне не падабаюцца вашыя хрысьціяне. Вашыя хрысьціяне так не падобныя да вашага Хрыста.
Махатма Гандзі

Глядзець камэнтары (1)

Гэтая дыскусія закрытая.
XS
SM
MD
LG