Лінкі ўнівэрсальнага доступу

Ужо сёньня, 15 лістапада: Новая кніга Рыгора Барадуліна ў «Логвінава»


Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

У кнігарні «ЛогвінаЎ» адбудзецца прэзэнтацыя новай кнігі Рыгора Барадуліна «Вушацкі словазбор». Пачатак а 18.00.

У галерэі «Ў» кніжны праект «pARTisan» запрашае на прэзэнтацыю трох новых выданьняў з «Калекцыі пАРТisanа» – альбомаў Міхаіла Гуліна і Антаніны Слабодчыкавай ды Аляксея Жданава і Ігара Цішына. Пачатак а 19.00.

15 лістапада – Міжнародны дзень зьняволеных пісьменьнікаў; у Беларусі – Алесь Бяляцкі.

ГЭТЫ ДЗЕНЬ У ГІСТОРЫІ

1925 – выйшла першая перадача Першага нацыянальнага каналу беларускага радыё.

1932 – у Менску адкрылася Беларуская кансэрваторыя.

1962 – стварэньне Саюзу кінэматаграфістаў Беларусі.

1983 – Турэцкая рэспубліка Паўночнага Кіпру абвяшчае незалежнасьць. Гэтае дзяржаўнае ўтварэньне прызнала толькі Турцыя.

1988 – Палестынская нацыянальная рада абвяшчае незалежную Дзяржаву Палестыны са сталіцай у Ерусаліме.

У гэты дзень нарадзіліся:

1938 – Віктар Цітоў, беларускі этноляг і гісторык культуры.

1947 – Анатоль Ярмоленка, беларускі сьпявак, мастацкі кіраўнік гурту «Сябры».

1951 – Віктар Скарабагатаў, беларускі опэрны сьпявак і пэдагог.

У гэты дзень памерлі:

1630 – Ёган Кеплер, нямецкі матэматык, астраном і астроляг.

1916 – Генрык Сянкевіч, польскі пісьменьнік, ляўрэат Нобэлеўскай прэміі.

ЦЫТАТА НА ПАМЯЦЬ:

«Каханьне – гэта імгла, якая ўзьнікае ў галаве. Калі гэтая імгла ападае долу – на сэрца – у жыцьці наступае пагодлівае надвор’е; калі яна застаецца ў галаве – падае дождж сьлёз».

«Сьвет стаіць на ашуканстве, а жыцьцё зьяўляецца ілюзіяй. Душа – таксама ілюзія. Трэба аднак мець настолькі розуму, каб адрозьніваць прыемныя ілюзіі ад прыкрых».


Генрык Сянкевіч
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG