ЗША асудзілі помнік хаўрусьніку Гітлера ў Вугоршчыне
Помнік Хорці ў Будапэшце
ЗША асудзілі помнік хаўрусьніку Гітлера ў Вугоршчыне
Амэрыканская амбасада ў Будапэшце выпусьціла заяву, дзе назвала ганебным адкрыцьцё помніка вугорскаму адміралу Міклашу Хорці, які ўступіў у хаўрус з нацысцкай Нямеччынай.
Вугорскія габрэі далучыліся да крытыкі ўрачыстага адкрыцьця помніка, арганізаванага крайне правай палітычнай партыяй «Ёббік» («За лепшую Вугоршчыну»).
Дыпляматы ЗША заявілі, што ўдзельнікі мерапрыемства ня толькі прадэманстравалі сваю нецярпімасьць, але і спрыялі стварэньню нэгатыўнага іміджу сваёй краіны.
Пад кіраўніцтвам Хорці каля паўмільёна габрэяў былі дэпартаваныя з Вугоршчыны ў 1944-м годзе.
