Спэктакль «Дзяды» ў Гомелі

Спэктакль «Дзяды» распачаў свой тур па краіне з Гомелю. «Дзяды» — гэта першая пастаноўка на беларускай драматычнай сцэне вялікай паэмы Адама Міцкевіча. Менавіта гэтым спэктаклем абвясьціў пра сваё нараджэньне прыватны «Тэатар Ч». Спэктакль «Дзяды» стаў цэнтральнай тэатральнай падзеяў гэтага году. Ён зьбірае аншлягі ў Менску, ужо быў паказаны на некалькіх міжнародных фэстывалях. І цяпер знакамітую пастаноўку маюць магчымасьць паглядзець жыхары іншых буйных гарадоў Беларусі.