На ахоўніка амбасады Беларусі ў Казахстане быў зьдзейсьнены напад, паведамляе прэс-служба дэпартамэнту ўнутраных спраў Алматы.
«Паліцэйскі інспэктар палка дыпляматычнай бясьпекі, які прадстаўляецца Міністэрствам ўнутраных спраў Рэспублікі Казахстан пасольству Беларусі ў Казахстане, быў атакаваны каля 3:00 раніцы 5 лістапада 2013 г.», — гаворыцца ў паведамленьні.
Паліцэйскі атрымаў удар па галаве невядомым прадметам. Ён быў дастаўлены ў шпіталь з закрытай чэрапна-мазгавой траўмай і страсеньнем мазгоў.
Няясна, ці бачыў нападніка ахоўнік.
Прычыны нападу таксама незразумелыя. Не паведамляецца ні пра шкоду, нанесеную амбасадзе, ні пра крадзеж.
У дэпартамэнце ўнутраных справаў створаная спэцыяльная сьледчая група. Вядзецца сьледзтва.
«Паліцэйскі інспэктар палка дыпляматычнай бясьпекі, які прадстаўляецца Міністэрствам ўнутраных спраў Рэспублікі Казахстан пасольству Беларусі ў Казахстане, быў атакаваны каля 3:00 раніцы 5 лістапада 2013 г.», — гаворыцца ў паведамленьні.
Паліцэйскі атрымаў удар па галаве невядомым прадметам. Ён быў дастаўлены ў шпіталь з закрытай чэрапна-мазгавой траўмай і страсеньнем мазгоў.
Няясна, ці бачыў нападніка ахоўнік.
Прычыны нападу таксама незразумелыя. Не паведамляецца ні пра шкоду, нанесеную амбасадзе, ні пра крадзеж.
У дэпартамэнце ўнутраных справаў створаная спэцыяльная сьледчая група. Вядзецца сьледзтва.
