Вынікі выбараў вызначаць склад новага ўраду краіны. Паводле прагнозаў, пераможа левацэнтрысцкая Чэская сацыял-дэмакратычная партыя, але яна хутчэй за ўсё запатрабуе кааліцыйнага партнэра для фармаваньня ўраду. У ранейшым складзе ніжняй палаты парлямэнта Чэхіі, абраным у 2010 годзе, кіруючая кааліцыя была правацэнтрыскай.
Значных дасягненьняў чакаюць гэтым разам таксама ад найбольшай з камуністычных партый – Камуністычнай партыі Чэхіі і Маравіі: яна можа прыйсьці другой. Сацыял-дэмакраты ўжо далі зразумець, што могуць пагадзіцца на стварэньне такога ўраду, які будзе мець патрэбу ў падтрымцы камуністаў.
Ніжняя палата чэскага парлямэнта была датэрмінова распушчаная амаль два месяцы таму пасьля працяглага палітычнага крызысу, які ўспыхнуў пасьля выкрыцьця маштабных карупцыйных спраў у кіруючай кааліцыі і прывёў да адстаўкі прэм'ер-міністра і ўсяго ўраду і завяршыўся тым, што дэпутаты не выказалі даверу новаму часоваму ўраду і прагаласавалі за самароспуск.
Пасьля скіданьня ўлады камуністаў ў 1989 годзе ў тагачаснай Чэхаславаччыне камуністы яшчэ ні разу не былі ў складзе ўраду – ад супрацоўніцтва зь імі раней адмаўляліся і правыя, і левацэнтрысцкія партыі. Выбары ў Чэхіі праходзяць звычайна ў другую палову дня пятніцы і першую палову дня суботы, каб да вечара ў суботу ўжо былі вядомыя амаль поўныя вынікі.
Значных дасягненьняў чакаюць гэтым разам таксама ад найбольшай з камуністычных партый – Камуністычнай партыі Чэхіі і Маравіі: яна можа прыйсьці другой. Сацыял-дэмакраты ўжо далі зразумець, што могуць пагадзіцца на стварэньне такога ўраду, які будзе мець патрэбу ў падтрымцы камуністаў.
Ніжняя палата чэскага парлямэнта была датэрмінова распушчаная амаль два месяцы таму пасьля працяглага палітычнага крызысу, які ўспыхнуў пасьля выкрыцьця маштабных карупцыйных спраў у кіруючай кааліцыі і прывёў да адстаўкі прэм'ер-міністра і ўсяго ўраду і завяршыўся тым, што дэпутаты не выказалі даверу новаму часоваму ўраду і прагаласавалі за самароспуск.
Пасьля скіданьня ўлады камуністаў ў 1989 годзе ў тагачаснай Чэхаславаччыне камуністы яшчэ ні разу не былі ў складзе ўраду – ад супрацоўніцтва зь імі раней адмаўляліся і правыя, і левацэнтрысцкія партыі. Выбары ў Чэхіі праходзяць звычайна ў другую палову дня пятніцы і першую палову дня суботы, каб да вечара ў суботу ўжо былі вядомыя амаль поўныя вынікі.
