Лінкі ўнівэрсальнага доступу

У Расеі арыштаваныя актывісты «Грынпіс»


Дваіх актывістаў міжнароднай экалягічнай арганізацыі «Грынпіс» арыштавалі пры спробе падняцца на плятформу нафтавай кампаніі «Газпром», паведамляе арганізацыя.

Актывісты арганізацыі патрабавалі адмены плянаў сьвідраваньня ў Арктыцы.

Паводле заявы «Грынпіс», памежнікі адкрылі папераджальны агонь, адзінаццаць разоў стрэліўшы ў паветра паблізу ледакола эколягаў «Арктыка Санрайз».

«Расейская берагавая ахова ўжыла непрымальны ўзровень сілы, абараняючы плятформу кампаніі „Газпром“. Усе спробы стрымаць мірны пратэст з дапамогай ужываньня агню павінны спыніцца неадкладна», — заявіў Бэн Алэйф, кіраўнік Арктычнага праекту «Грынпіс».

Арганізацыя патрабуе вызваленьня сваіх актывістаў, заяўляючы, што працягне дамагацца стварэньня міжнароднага запаведніку вакол Паўночнага полюсу.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG