Лінкі ўнівэрсальнага доступу

За месяц заробкі ў органах кіраваньня вырасьлі на 43%, у простага люду — на 5,6%


У ліпені сярэдняя зарплата ў сфэры дзяржаўнага кіраваньня склала 7,59 мільёна рублёў і павялічылася ў параўнаньні з чэрвенем (5,3 мільёна рублёў) на 43,1%, паведамляе БелаПАН.

Для параўнаньня: паводле зьвестак Белстату, намінальная налічаная сярэднямесячная зарплата па краіне ў ліпені склала 5,45 мільёна рублёў і павялічылася ў параўнаньні з чэрвенем на 5,6%.

Да ліпеня сярэдняя зарплата работнікаў органаў дзяржаўнага кіраваньня павялічвалася паступова, пра што сьведчыць афіцыйная статыстыка. У студзені гэты паказчык складаў 4,61 млн рублёў, у лютым — 4,69 млн, у сакавіку — 4,83 млн, у красавіку — 5,26 млн, у траўні— 4,98 млн, у чэрвені — 5,3 млн рублёў.

Значны рост зарплат у дзяржаўных органах у ліпені шмат у чым абумоўлены скарачэньнем колькасьці дзяржаўных служачых. Пад скарачэньне падпалі прыблізна 30% дзяржаўных служачых.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG