У Нью-Ёрку на дэманстрацыю выйшла і поп-зорка Бэйонс з мужам, рэпэрам Jay-Z.
Пратэсты ў ЗША працягваюцца ўжо тыдзень пасьля вынясеньня вэрдыкту журы прысяжных, якое прызнала невінаватым чалавека, які застрэліў няўзброенага афраамэрыканскага хлопца. Прысяжныя зьнялі абвінавачаньне ў ненаўмысным забойстве з Джорджа Цымэрмана, які ў лютым мінулага года стрэлам сьмяротна параніў 17-гадовага Трэйвана Марціна ў штаце Флёрыда.
Паводле Цымэрмана, падчас начной сутычкі ён страляў для самаабароны. Многія афраамэрыканцы лічаць, што Марціна застрэлілі па расавых меркаваньнях, і такія ж меркаваньні стаяць і за апраўданьнем забойцы. Марцін быў афраамэрыканцам; Цымэрман лічыць сябе асобай лацінаамэрыканскага паходжаньня, гэта значыць, таксама ня «белым».
Гэта справа прыцягнула ўвагу ня толькі да праблемаў расізму ў ЗША, але і да праблемы права на выкарыстаньне зброі.
Пратэсты ў ЗША працягваюцца ўжо тыдзень пасьля вынясеньня вэрдыкту журы прысяжных, якое прызнала невінаватым чалавека, які застрэліў няўзброенага афраамэрыканскага хлопца. Прысяжныя зьнялі абвінавачаньне ў ненаўмысным забойстве з Джорджа Цымэрмана, які ў лютым мінулага года стрэлам сьмяротна параніў 17-гадовага Трэйвана Марціна ў штаце Флёрыда.
Паводле Цымэрмана, падчас начной сутычкі ён страляў для самаабароны. Многія афраамэрыканцы лічаць, што Марціна застрэлілі па расавых меркаваньнях, і такія ж меркаваньні стаяць і за апраўданьнем забойцы. Марцін быў афраамэрыканцам; Цымэрман лічыць сябе асобай лацінаамэрыканскага паходжаньня, гэта значыць, таксама ня «белым».
Гэта справа прыцягнула ўвагу ня толькі да праблемаў расізму ў ЗША, але і да праблемы права на выкарыстаньне зброі.
