Былы гендырэктар абвінавачваецца ў атрыманьні хабару ў буйным памеры. Паводле ўпраўленьня Сьледчага камітэту па Менскай вобласьці, падазраваны, «выкарыстоўваючы свае службовыя абавязкі, атрымаў хабар у памеры 4 тысячы даляраў за прадстаўленьне першачарговага права на атрыманьне аплаты за выкананыя працы аднаму з будпрадпрыемстваў».
Падчас сьледзтва ў якасьці сьведак дапыталі больш за 30 чалавек. Матэрыялы крымінальнай справы перадалі ў пракуратуру для накіраваньня ў суд.
Сярод іншых карупцыйных спраў, вынікі расьсьледаваньня якіх чакаюцца неўзабаве, — справа аб хабарніцтве былога намесьніка міністра спорту і турызму Сяргея Нерада, намесьніка старшыні суду Кастрычніцкага раёну Магілёва Магамеда Ўмарава, былога мэра Гомеля Віктара Піліпца і некалькіх высокапастаўленых чыноўнікаў за махлярства з разьмеркаваньнем жытла, былога першага намесьніка старшыні Шклоўскага райвыканкаму ды іншыя.
У студзені 2013 году за хабарніцтва на 14 гадоў пазбаўленьня волі асуджаны былы першы намесьнік старшыні Менгарвыканкаму Ігар Васільеў. У 2012 годзе Менскі гарадзкі суд вынес прысуд па гучнай карупцыйнай справе былога намесьніка старшыні Віцебскага аблвыканкаму і былога кіраўніка БРСМ Леаніда Кавалёва. За хабар яго асудзілі на 7 гадоў пазбаўленьня волі.
Падчас сьледзтва ў якасьці сьведак дапыталі больш за 30 чалавек. Матэрыялы крымінальнай справы перадалі ў пракуратуру для накіраваньня ў суд.
Сярод іншых карупцыйных спраў, вынікі расьсьледаваньня якіх чакаюцца неўзабаве, — справа аб хабарніцтве былога намесьніка міністра спорту і турызму Сяргея Нерада, намесьніка старшыні суду Кастрычніцкага раёну Магілёва Магамеда Ўмарава, былога мэра Гомеля Віктара Піліпца і некалькіх высокапастаўленых чыноўнікаў за махлярства з разьмеркаваньнем жытла, былога першага намесьніка старшыні Шклоўскага райвыканкаму ды іншыя.
У студзені 2013 году за хабарніцтва на 14 гадоў пазбаўленьня волі асуджаны былы першы намесьнік старшыні Менгарвыканкаму Ігар Васільеў. У 2012 годзе Менскі гарадзкі суд вынес прысуд па гучнай карупцыйнай справе былога намесьніка старшыні Віцебскага аблвыканкаму і былога кіраўніка БРСМ Леаніда Кавалёва. За хабар яго асудзілі на 7 гадоў пазбаўленьня волі.
