Пра інцыдэнт абвясьціў прэзыдэнт Панамы Рыкарда Марцінэлі. Паводле яго слоў, першапачаткова карабель спынілі, западозрыўшы, што на ім перавозяць наркотыкі, але падчас ператрусу там быў знойдзены незадэкляраваны груз, схаваны ў кантэйнэры з цукрам. Фатаграфію гэтага загадкавага грузу Марцінэлі апублікаваў на сваёй старонцы ў Twitter.
Паводле папярэдніх дадзеных, судна было загружана на Кубе 12 ліпеня і праз Панамскі канал кіравалася ў КНДР. Затрымалі яго ля ўсходняга, атлянтычнага канца каналу, у порце Мансанільё.
Капітан судна падчас ператрусу спрабаваў застрэліцца, а каманда з 35 чалавек — перашкодзіць вобшуку, паведаміў Марцінэлі. Уся каманда затрыманая разам з караблём.
Менавіта «нэрвовая і бурная рэакцыя капітана і каманды» на дагляд узмацніла падазрэньні панамскіх мытнікаў, заявіў міністар бясьпекі Панамы Хасэ Рауль Муліньё журналістам.
Спэцыялістам можа спатрэбіцца да тыдня, каб дакладна вызначыць, што ўяўляе сабой гэты падазроны груз, паведаміў прэс-сакратар прэзыдэнта.
Аб якой-небудзь рэакцыі з боку ўладаў КНДР на скандальны інцыдэнт пакуль інфармацыі няма.
Санкцыі ААН, накладзеныя на КНДР, ўключаюць забарону на імпарт і экспарт любога ўзбраеньня, акрамя лёгкага стралковага. Іншыя краіны маюць права абшукваць паўночнакарэйскіі судны і іншыя транспартныя сродкі пры наяўнасьці падазрэньняў, што на іх перавозіцца забаронены груз. У апошнія гады ў рамках санкцый ААН былі спыненыя і абшуканыя некалькі паўночнакарэйскіх суднаў.
Паводле папярэдніх дадзеных, судна было загружана на Кубе 12 ліпеня і праз Панамскі канал кіравалася ў КНДР. Затрымалі яго ля ўсходняга, атлянтычнага канца каналу, у порце Мансанільё.
Капітан судна падчас ператрусу спрабаваў застрэліцца, а каманда з 35 чалавек — перашкодзіць вобшуку, паведаміў Марцінэлі. Уся каманда затрыманая разам з караблём.
Менавіта «нэрвовая і бурная рэакцыя капітана і каманды» на дагляд узмацніла падазрэньні панамскіх мытнікаў, заявіў міністар бясьпекі Панамы Хасэ Рауль Муліньё журналістам.
Спэцыялістам можа спатрэбіцца да тыдня, каб дакладна вызначыць, што ўяўляе сабой гэты падазроны груз, паведаміў прэс-сакратар прэзыдэнта.
Аб якой-небудзь рэакцыі з боку ўладаў КНДР на скандальны інцыдэнт пакуль інфармацыі няма.
Санкцыі ААН, накладзеныя на КНДР, ўключаюць забарону на імпарт і экспарт любога ўзбраеньня, акрамя лёгкага стралковага. Іншыя краіны маюць права абшукваць паўночнакарэйскіі судны і іншыя транспартныя сродкі пры наяўнасьці падазрэньняў, што на іх перавозіцца забаронены груз. У апошнія гады ў рамках санкцый ААН былі спыненыя і абшуканыя некалькі паўночнакарэйскіх суднаў.
