У Міністэрстве сельскай гаспадаркі і харчаваньня сьцьвярджаюць, што ня маюць дадзеных, колькі дакладна зьнішчана жывёлы ў рамках кампаніі, каб спыніць распаўсюд вірусу афрыканскай чумы сьвіней. Аднак пэўна вядома, што лік ідзе на многія тысячы — у шэрагу рэгіёнаў на прыватных падворках ужо не засталося ніводнай асобіны, а ў некаторых фэрмэрскіх гаспадарках сьвіней нішчаць сотнямі. Тым часам дагэтуль ня выплачана абяцаная дзяржавай кампэнсацыя вяскоўцам за панесеныя страты.
* * *
* * *
