Лінкі ўнівэрсальнага доступу

Прэзыдэнт Балівіі пагражае зачыніць амбасаду ЗША


Кіраўнік Балівіі Эва Маралес зрабіў гэтую заяву на саміце лідэраў паўднёваамэрыканскіх дзяржаў. У балівійскі горад Качабамба прыбылі прэзыдэнты Аргенціны, Уругвая, Эквадора, Вэнэсуэлы, Сурынама, а таксама прадстаўнікі іншых краін Паўднёвай Амэрыкі.

Яны прыбылі ў Балівію ў сувязі з нядаўнім інцыдэнтам з самалётам прэзыдэнта Маралеса, які вымушаны быў зрабіць незаплянаваную пасадку ў Вене.

Прычынай называлася падазрэньне, што на борце самалёта знаходзіўся былы супрацоўнік амэрыканскіх спэцслужбаў Эдвард Сноўдэн, перадае ВВС.

Маралес вяртаўся ў Балівію з Масквы. Францыя выбачылася перад Балівіяй за адмову прапусьціць праз сваю паветраную прастору прэзыдэнцкі самалёт Эва Маралеса, з-за «недакладнай інфармацыі».

Прэзыдэнт Францыі Франсуа Алянд сказаў, што дазволіў пралёт самалёта, як толькі яму стала вядома, што гаворка ідзе пра самалёт прэзыдэнта Маралеса.
Прэзыдэнт Эквадора Рафаэль Карэа заявіў, што ён і астатнія лідэры на саміце ў Качабамба «цалкам падтрымліваюць» Маралеса.

Балівійскі прэзыдэнт Маралес зноў абвінаваціў ЗША ў аказаньні ціску на эўрапейскія краіны з тым, каб тыя забаранілі пралёт яго самалёта.

МУС Аўстрыі патлумачыў, што памежная служба праверыла дакумэнты ва ўсіх, хто быў на борце прэзыдэнцкага самалёта, а прэзыдэнт Маралес вымушаны быў правесьці некалькі гадзін у транзытнай зоне аэрапорта Вены. Не знайшоўшы Сноўдэна, аўстрыйцы адпусьцілі самалёт Маралеса.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG