Штогод у чэрвені ў Нью-Ёрку праходзіць гей-прайд — яскравы пэрфоманс, за якім назіраюць дзясяткі тысяч людзей. Сёлета амэрыканскія геі і лесьбіянкі — выхадцы з краін былога СССР — вырашылі зладзіць асобную акцыю ў межах агульнага параду, які адбудзецца 30 чэрвеня.
Сярод арганізатараў акцыі — 31-гадовы Павал Залуцкі, былы мянчук, які зьехаў за Беларусі напачатку нулявых гадоў, выйграўшы грын-карту:
«Я памятаю свае ўражаньні ад наведваньня гей-клюбу ў Менску ці ў Маскве. Вы крочыце ўздоўж нейкіх індустрыйных задворкаў, стараючыся не глядзець на геяў. Там вы мусіце хаваць свае пачуцьці, калі знаходзіцеся ў публічным месцы. А тут мы надзяваем яскравыя строі, танцуем, гучыць музыка, мы чуем прывітаньні натоўпу — мы сьвяткуем тое, што можам адкрыта, не саромеючыся, сказаць на ўвесь сьвет — «Я гей».
Залуцкі спадзяецца, што ягоныя сувязі з расейскамоўнай гей-супольнасьцю Нью-Ёрку дапамогуць прыцягнуць шмат удзельнікаў на парад у гэтую нядзелю. «Мы настроеныя па-сапраўднаму адсьвяткаваць нашу свабоду тут», кажа ён, але дадае, што калі б не нецярпімасьць у яго на радзіме, ён хацеў бы жыць у Менску.
Сярод арганізатараў акцыі — 31-гадовы Павал Залуцкі, былы мянчук, які зьехаў за Беларусі напачатку нулявых гадоў, выйграўшы грын-карту:
«Я памятаю свае ўражаньні ад наведваньня гей-клюбу ў Менску ці ў Маскве. Вы крочыце ўздоўж нейкіх індустрыйных задворкаў, стараючыся не глядзець на геяў. Там вы мусіце хаваць свае пачуцьці, калі знаходзіцеся ў публічным месцы. А тут мы надзяваем яскравыя строі, танцуем, гучыць музыка, мы чуем прывітаньні натоўпу — мы сьвяткуем тое, што можам адкрыта, не саромеючыся, сказаць на ўвесь сьвет — «Я гей».
Залуцкі спадзяецца, што ягоныя сувязі з расейскамоўнай гей-супольнасьцю Нью-Ёрку дапамогуць прыцягнуць шмат удзельнікаў на парад у гэтую нядзелю. «Мы настроеныя па-сапраўднаму адсьвяткаваць нашу свабоду тут», кажа ён, але дадае, што калі б не нецярпімасьць у яго на радзіме, ён хацеў бы жыць у Менску.