Міністар Мухамад Мустафа Наджар паведаміў у тэлевізіі, што Рухані атрымаў больш за 18 мільёнаў галасоў, што складае 50,68 працэнта, што было дастаткова для перамогі ў першым коле выбараў.
Рухані перамог зь вялікай перавагай, ягоны найбліжэйшы супернік — мэр Тэгерану кансэрватар Мухамад Багір Галібаф — набраў менш за 16 працэнтаў галасоў. Яўка на выбарах склала амаль 73 працэнты.
***
64-гадовы Хасан Рухані лічыцца адносна памяркоўным палітыкам. Ён вядомы за межамі краіны пераважна сваім удзелам на перамовах наконт ядзернай праграмы Ірану у 2003-2009 гадах. Апрача гэтага ў ягоным паслужным сьпісе — навуковая дзейнасьць, камандныя пасады ў войску, доўгатэрміновае дэпутацтва ў парлямэнце, шматлікія высокія ўрадавыя пасады.
Рухані нарадзіўся ў 1948 годзе ў горадзе Сархэ ў паўночнаіранскай правінцыі Сэмнан. Падчас выбарчай кампаніі ён адзначаў, што вырас у «рэлігійнай і рэвалюцыйнай сям’і».
Вучыўся ў сэмінарыі, вывучаў права ў Тэгеранскім унівэрсытэце. Пасьля ісламскай рэвалюцыі 1979 году быў абраны ў парлямэнт, дзе прабыў пяць дэпутацкіх тэрмінаў.
Падчас выбарчай кампаніі Рухані выступаў за паляпшэньне міжнародных дачыненьняў. Ён называе вялікі матэрыяльны і фізычны патэнцыял Ірану як сродак для выхаду з крызісу, спрычыненага «індывідуальнымі рашэньнямі, прынятымі без кансультацыяў». Ён бачыць ратунак у турызме і пашырэньні ролі прыватнага сэктару ў прамысловасьці.
Рухані таксама выказаўся за пашырэньне свабоды слова і паабяцаў вызваліць палітычных зьняволеных.
У сваім апошнім тэлезвароце да выбарцаў галоўнымі дасягненьнямі сваёй кар’еры Хасан Рухані назваў «актыўную бесстароннасьць» Ірану ў вайне ў Пэрсыдзкай затоцы, пакт аб бясьпецы з Савудаўскай Арабіяй за часы прэзыдэнта Хатамі і «разважлівую пазыцыю» Ірану пасьля тэрарыстычных удараў 11 верасьня 2001 году ў ЗША.
Рухані перамог зь вялікай перавагай, ягоны найбліжэйшы супернік — мэр Тэгерану кансэрватар Мухамад Багір Галібаф — набраў менш за 16 працэнтаў галасоў. Яўка на выбарах склала амаль 73 працэнты.
***
64-гадовы Хасан Рухані лічыцца адносна памяркоўным палітыкам. Ён вядомы за межамі краіны пераважна сваім удзелам на перамовах наконт ядзернай праграмы Ірану у 2003-2009 гадах. Апрача гэтага ў ягоным паслужным сьпісе — навуковая дзейнасьць, камандныя пасады ў войску, доўгатэрміновае дэпутацтва ў парлямэнце, шматлікія высокія ўрадавыя пасады.
Рухані нарадзіўся ў 1948 годзе ў горадзе Сархэ ў паўночнаіранскай правінцыі Сэмнан. Падчас выбарчай кампаніі ён адзначаў, што вырас у «рэлігійнай і рэвалюцыйнай сям’і».
Вучыўся ў сэмінарыі, вывучаў права ў Тэгеранскім унівэрсытэце. Пасьля ісламскай рэвалюцыі 1979 году быў абраны ў парлямэнт, дзе прабыў пяць дэпутацкіх тэрмінаў.
Падчас выбарчай кампаніі Рухані выступаў за паляпшэньне міжнародных дачыненьняў. Ён называе вялікі матэрыяльны і фізычны патэнцыял Ірану як сродак для выхаду з крызісу, спрычыненага «індывідуальнымі рашэньнямі, прынятымі без кансультацыяў». Ён бачыць ратунак у турызме і пашырэньні ролі прыватнага сэктару ў прамысловасьці.
Рухані таксама выказаўся за пашырэньне свабоды слова і паабяцаў вызваліць палітычных зьняволеных.
У сваім апошнім тэлезвароце да выбарцаў галоўнымі дасягненьнямі сваёй кар’еры Хасан Рухані назваў «актыўную бесстароннасьць» Ірану ў вайне ў Пэрсыдзкай затоцы, пакт аб бясьпецы з Савудаўскай Арабіяй за часы прэзыдэнта Хатамі і «разважлівую пазыцыю» Ірану пасьля тэрарыстычных удараў 11 верасьня 2001 году ў ЗША.
