Лінкі ўнівэрсальнага доступу

Дэпутат Самасейка яшчэ ня ведае, ці паедзе ў Страсбур

абноўлена

Мікалай Самасейка

У Палату прадстаўнікоў 12 чэрвеня прыйшло запрашэньне для ўдзелу ў пасяджэньні паліткамітэту Парлямэнцкай асамблеі Рады Эўропы.

Пра гэта карэспандэнту Свабоды паведаміў старшыня камісіі па міжнародных справах Палаты прадстаўнікоў Мікалай Самасейка.

Ён адзначыў, што старшыня ПАРЭ Жан-Клод Міньён «выказаў намер на размарожваньне стасункаў» паміж Менскам і Страсбурам. А таксама прапанаваў стварыць адмысловую рабочую групу па беларускім пытаньні.

«У мяне яшчэ няма інфармацыі, паедзем мы ці не паедзем», — сказаў Самасейка.

Ён паведаміў, што паседжаньне плянуецца на 27 чэрвеня. Якім пытаньням яно будзе прысьвечанае?

«Там будзе даклад Хэркеля. Я думаю, у купе будзе ўсё — і сьмяротная кара, і ўсе іншыя пытаньні».

Андрыс Хэркель — спэцдакладчык Парлямэнцкай Асамблеі Рады Эўропы па сытуацыі ў Беларусі.


Беларусь застаецца адзінай эўрапейскай краінай, якая не ўваходзіць у Раду Эўропы.

У 1993 годзе Беларусь атрымала статус адмыслова запрошанай у Парлямэнцкую асамблею Рады Эўропы (ПАРЭ), але была пазбаўленая яго пасьля рэфэрэндуму 1996 году, вынікі якога міжнародная супольнасьць не прызнала.

У чэрвені 2009 году ПАРЭ прыняла рэзалюцыю пра вяртаньне Беларусі статусу адмыслова запрошанай пры ўмове адмены сьмяротнага пакараньня ці ўвядзеньня мараторыю на яго.

Аднак у 2010 годзе ў Беларусі адбыліся новыя пакараньні, пасьля чаго ПАРЭ афіцыйна параіла сваім сябрам не наведваць краіну.

Намесьнік старшыні руху «За свабоду» Юрась Губарэвіч сказаў «Свабодзе»:

«Наколькі мне вядома, з боку Рады Эўропы абазначаныя ўмовы, і яны ня супраць былі б бачыць Беларусь у складзе Рады Эўропы ў тым выпадку, калі Беларусь выканае гэтыя патрабаваньні. Яны нязьменныя. Дыялёг, калі ён прывядзе да выкананьня гэтых умоваў, можа мець месца».

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG