Лінкі ўнівэрсальнага доступу

Лукашэнка хоча «нармалізацыі» адносін з Эўразьвязам


Аляксандар Лукашэнка

Але «не на шкоду Расеі».

Пра гэта Аляксандар Лукашэнка заявіў на сустрэчы са сьпікерам Дзяржаўнай Думы Расеі Сяргеем Нарышкіным:

«Нам трэба выбудоўваць нармальныя адносіны з Эўразьвязам, але ні ў якім разе не на шкоду нашаму асноўнаму саюзьніку — Расейскай Фэдэрацыі. Ад гэтага нікуды ня дзенесься. Хачу я гэтага ці не, але хто б тут ні быў, ён будзе выбудоўваць гэтыя адносіны... Нам трэба больш актыўна рухацца ў напрамку выбудоўваньня адносін з Эўразьвязам. Вы выдатна разумееце, што дрэнныя адносіны з Эўропай у нас — гэта не на карысьць нашым адносінам з Расеяй», — цытуе Лукашэнку Інтэрфакс.

Пры гэтым Лукашэнка запэўніў маскоўскага госьця:

«Тое, што датычыцца нашых дамоўленасьцяў з Расеяй, тое, што мы вельмі актыўна супрацоўнічаем, асабліва ў рамках Саюзнай дзяржавы, — гэта сьвятое. Мы ад гэтай палітыкі ніколі не адыдзем, і калі ад нас будуць патрабаваць выбіраць Расею ці Эўропу, нейкія іншыя аб’яднаньні, то мы на гэта ніколі ня пойдзем».
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG